الموسيقي والكارتون

اصدقائي واحبابي وحشتوني جدا جدا ...بمناسبه المواقف الطريفه اللي بقابلها في الشارع، وانا بفتح باب العربيه علشان اركب ،تقوم تيجي عربيه معديه ،فاقفل باب العربيه  بسرعه تاني،  واهز رأسي علشان تعدي وماتخبطش الباب ،الآلاجه في الموضوع انها تقف عند باب دخولي العربيه بالظبط ،فالمفروض لأما انا افتح باب العربيه بتاعتي وتخبط فيها لأما احرق دمي وادي درس في الاصول للي وقف ،بصراحه ماخبيش عليكوا كان شكل الرجل زي ماتقول كده معلم كرشه يدّي عليَ (علي الشريف)ايام مجده ،ماخبيش عليكوا خفت ،اصل انا جبانه بصراحه ،فقررت افتح باب العربيه واخبط عربيته،المصيبه في الموضوع انه اضايق شوفتوش كده ،كنت عايزه ااقوله انتي اضايقتي يا قطه ،يا بطه ،يا كتوموتوا يا حلوه يا بطه،بس قولت ،اجري يا بت احسن يديكي بوكس في منخيرك يخليكي ماشيه زي الالف ، بلد مجانين صحيح علي رأي ابراهيم رزق
لينك الحلقه الخامسه اسفل البتنجان، قصدي في الخط الاسفل
هنا

شابلن موسيقار وانا في غايه التوتر

الحلقه دي يا جماعه اول حلقه اسجلها امام الكاميرا وكنت في غايه التوتر وقلبي مابطلش دق واتكرر المشهد اكتر من خمس مرات علشان بغلط وخايفه ،بس الحمد لله خلصت علي خير ،طبعا في غلطات نحويه وقعت فيها واعذروني معلش :)
اتمني تنول اعجابكم ،لينك الحلقه هنا

فيروز وموتسارت وانا وانت :)

الحلقه الثالثه دي يا جماعه عن اقتباسات الاغاني العربيه للموسيقي الغربيه بس  دي اقتباسات كامله ....انا غرضي توضيح الموسيقي التي اُقتبست.. اوع حد يفهمني غلط :)
لينك الحلقه اهو:
 http://www.vetogate.com/113715

الحلقه الثانيه..اقتباس الموسيقى العربية من الموسيقى الغربية «1»

اقتباسك للموسيقي الغربيه لا يقلل من عبقريتك

الحلقه الثانيه يا رب تعجبكم 
لينك الحلقه هنا

أحلي مزيكا ..الحلقه الأولي بعنوان(خاتشاتوريان)

اتمني تعجبكم ...لينك الحلقه هنا

برمو احلي مزيكا :)+تحديث

كل عيد حب وانتم بخير وسعاده ....تغيبت كتير عن التدوين بسبب انشغالي بهذه الحلقات الخاصه بالموسيقي اتمني تنول اعجابكم واكون عرفت اضيف حاجه صغيره :)
ده البرومو وعايزه اعرف رأيكم طبعا
 http://www.youtube.com/watch?v=a81zAeH7YXA&feature=youtu.be
هو ده البرومو اللي شغال وباعتذر عن تعطيل البرمو السابق

أنا وهي

تناولت كوب الشاي معها في هذا الصباح ،وكنا نجلس ونتبادل الحديث ، فأحتلت منضده بيننا علمت انها حديده الصنع عندما جرتها الخادمه، وكأنها تثبت لنا انها شديده البنيه لا تقل  مكانه عن الرخام  الارضي المرمري الذي تناغم صوته معها، فتناغم المرمري لونه بلون فناجيل الشاي السكري المصنوعه في باريس والتي تعطي لمعانا كلما ترنحت ستار النافذه  البيضاءالتي نجلس امامها فسألت الخادمه هل من خدمه ؟فأهتزت رأسي معبره بلا، فأنا في حاله صفاء تام وفي شوق لتلك التي ترضي عني شبر وتشقيني أميال
أنا:ما بك ايتها الشقيه ،لستِ في اعتلاء كعادتك ،ارضيت عني أخيرا ،ام هي فرصه كي تسحبيني في حفره معك ليس لها قرار،هل في تجاهلي لكِ دور في  هذا.
هي: لست بهذا الغباء ،فأنا التي تجاهلتك ،وتركتك تمرحين قليلا ،فأنتِ اضعف من ان تقرري او تأبي،ولكن قولي لي هل كنت سعيده.
انا:(بضعف)لا ولكني كنت راضيه ،متفائله،متأمله.
هي:كنت اعرف ،فأنا اجهدتك كثيرا قبل ان اتركك ،ولعبت دور الماضي الذي يأسرك وتستلذين عذابه.
أنا:لما؟
هي:لأن حاضرك لا يعطيكي إلا ذكرياته ،فأنت تنتظري الغد كي تستمتعين بالأمس.
أنا:هل لأني حالمه؟ولكن الخيال لا يحب الماضي ولكنه متصل بالمستقبل..
هي:من قال لك هذا ...الخيال متصل بالماضي ولكن يدعمه (ماذا لو ).
أنا:ولكن (ماذا لو) افتراضا، وليس خيالا.
هي:الافتراض من صنع الانسان ،والخيال ايضا ،بالكاد يعتبروا واحدا.
أنا:اتعتقدين اني فقدت جاذبيه  الحاضر
هي:اعتقد ان الماضي تحداه
أنا:وكيف انجو
هي:قلت لك انت اضعف من يقرر
أنا:وانا قلت لك ايضا انك ستسحبينني في حفره ليس لها قرار.