2013-05-28

المولد زحمه كتير وعيال لابسه الطراطير


بصراحه موضوع انك تفكر دايما رأي الناس فيك ايه؟ بيدوش اللي مابيدوش ،وبيخليك تنسي ساعات انت كنت عايز تعمل ايه ،ويمر عليك الوقت والزمن، وتقول لنفسك بعد عمر انا ليه ماعملتش كده او كده ،ليه ماحققتش اللي انا كنت عايز اعمله ،وكتر خير المجتمع بتاعنا بصراحه لكلمه (عيب) الف حساب وحساب مع الكبير والصغير مع الرجاله والستات بس بصراحه الرجاله لغوها من زمان وقالك ده راجل يعمل اللي هو عايزه انما انتي ست (شيلاه يا ست ) يعني عامل المجتمع  الواجب مع الستات وشويه،بيقولك ان الستات في المجتمعات الشرقيه اكثر عرضه للامراض الخطيره ،لان دايما متوقع منها  العقل من جانبها لحد ما يوصلها لمستشفي المجانين من جانبها بردوا ،سيبك كونها مستحمله شطحات الرجل وهفواته ،وجنان العيال وشقاوتهم ،وغلاسه الحماه وبنتها ،ومعاكسات الرجاله العسل في الشارع وفي الشغل ،اللي محتاجين كمامه مش علي بقهم بس وعلي عنيهم وياريت علي جتتهم كلها علشان نخلص ،لا كمان علي تصرفاتها ماتعليش صوتك ،ماتزعقيش للعيال بصوت عالي ،مالك كده مكشره علي طول ،وهكذا....وطبعا لما تيجي تشتكي لست زيها تلاقي نصايح مالهاش اول من آخر وتلاقي مشكل اقتراحات وحلول علي اطباق من هوا اللي بطير معاها وهي ماشيه والحصيله ان النصايح دي ما هي الا عمود حديد أُضيف الي اعمده سجنها ،وماهي الا محطه من محطات الراديو المشوشه التي وضعت علي تردد خاطئ في عقل المرأه.
وستظل المرأه في صورتها الكارتونيه المكرره ،تمسك يد ابنها ذو الخمس سنوات بداخل الملاهي ،وبخلفها زوجها وهو يحمل ابنتهم ذات السنتين ،و تنظر لأمرأه اجمل منها واصغر ،وتقول في عقلها انها احلي منها، ثم تمر علي زوجها نفس المرأه ويقول الرجل في عقله لو بس اعرفها يومين دي، يادي الحظ.....
(يعني نسيتي مشاكلك كلها ومشكلتك بس انت احلي ولا غاده عبد الرازق!!!!
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا يعجبني الرجل الذي يجلس في كافي شوب ،مع بنت وهو فارد زراعيه علي الكنبه، زراع علي المخدع والاخر خلف المسند ،وكمان لو طقطق رقبته بتعالي تبقي كملت الصوره، ناقص يجيب رجلان حبشيان اقوياء يشيلوه ويهو عليه  ،ولو نظرت  للبنت تلاقي اهتماما في جلستها فكل ركن في جسدها متجها له ،فيخيل الي انها تلوم نفسها علي جلستها هذه بجانبه وان لولا الملاما لحدفت نفسها من علي الكنبه مرزوعه البدن علي الارض ارضاءا له وحفاظا علي مكانته ،فاذا لح لسان حال القارئ عن ماذا يضايق في ذلك حيث اننا في مجتمع ذكوري بحت وان الصوره التي رسمتها لاتسبب ضيق علي الاطلاق فأرد انا بدوري واقول اني في غايه الاشفاق علي هذا الرجل من كل قلبي حيث ان الانسه التي بجانبه في غايه الذكاء والدهاء، لقد ادخلته  قصص الف ليله وليله  حتي يأتي المأذون فيصيح الديك وتقول له :ولما ادرك شهريار الجواز سكتت شهرزاد عن الكلام المباح والطاعه العمياء....
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
 وحشتوني جدا جدا ويمكن اكتب البوست ده واغيب تاني مش عارفه بس عموما وحشتوني ووحشتني الكتابه من تاني.... 
باعتذر عن الغلطات الاملائيه

هناك 24 تعليقًا:

  1. حمد الله بالسلامة يا كارولين

    و الراجل و الست الاتنين عليهم التزامات و واجبات و عليهم حقوق برضه
    مفيش حد بيعمل اللي هو عايزو فيهم
    بالرغم انه بوست متحامل على الرجل
    بس جميل جدا
    تسلمي

    ردحذف
    الردود
    1. سيف المدونين
      مصطفي سيف
      ازيك يا مصطفي ومبروك علي روايتك الجميله ربنا يوفقك
      ودايما من نجاح لنجاح
      البوست متحامل ع الست والراجل والله يا مصطفي ماخبيش عليك ههههههههه
      انت انسان جميل اشكر تعليقك الراقي
      تحياتي

      حذف
  2. كارولين فاروق

    المدونة جميلة جدا والموضوع كمان حيويى وأظن ليس هناك ابلغ مما كتب فيه ولكن البعد عن التدوين فى حد ذاته كالبعد عن الحياة
    سلمتى أختى وسلم قلمك

    ردحذف
    الردود
    1. gamal abu el ezz
      اشكرك استاذ جمال علي كلماتك الراقيه
      فعلا التدوين مهم جدا
      اتمني تواجدك دائما
      تحياتي

      حذف
  3. حمدالله على وصولك الى جوهرة مدونتك الغالية علينا جميعا ونحن فى اشد حاجتنا اليها فى مثل هذه الظروف التى تمر ببلادنا وقد خلت بعض الوقت من انس وونس تواجدك الفياض الغناء
    فى الخاطرتين اعلق :
    اهتمام المرأة بجمالها شئ طبيعى ولكن العيب الاكبر ان نثير اهتمامه بهذه الناحيه فقط دون ان تشعره انها هنا فى مكان لا يستطيع عنه حولا
    العيب كل العيب فيما ذكرتى هو المرأة لا الرجل
    المراة التى لا تعرف لها وجودا الا فى عيون الرجال وقلوبهم فلذلك جعلت منهم الاسياد فلو خلت رقعة الارض من عيون الناظرين او اقفرت حنايا الضلوع من خوافق القلوب لاصبح الوجود والعدم فى نظر المرأة سواء!!!!!!!!!!!!!!!.. .......وهذا مما ادى الى طمع الرجل فى احتلال مقعد السيادة والريادة وخسرت المراة مركز المساواه الحقيقى فاصبح بعض الازواج سليطا قاسيا مهينا داخل البيت وخارجه مستهترا لا يحتشم ولا يتلوم ولا يتقى عارا ولا مأثما فله ان يفعل ما يشاء ولها ان تففعل ما يشاءه هو
    والدك الفاروق

    ردحذف
    الردود
    1. بابا
      وليس هناك ما يقال بعد ما قيل
      الحياه لا تخلو من عيوب الرجل والمرأه
      وهناك مواقف كتيره تحكي عن ذلك ولن ينتهي القلم عن سرد الحكايات
      تعليق مهم جدا كتبته يا ابي يصلح ان يكون بوست كامل
      اشكرك
      تحياتي

      حذف
  4. كلارينت الفاروق
    حمد الله على السلامة

    ههههههههههههههههههههههههههههه

    على فكرة من يكرس هذه الافكار هى المراة

    واتحداكى لو عملنا استطلاع راى على اى عينة من السيدات

    متغبيش علينا
    تحياتى

    ردحذف
    الردود
    1. ابراهيم رزق
      امير الكتابه الساخره
      الله يسلمك يا ابراهيم كيف حالك وكيف حال اولادك الكتاكيت
      ههههههههه صح ان المرأه هي التي تكرس الافكار الصحيحه عن الرجل ههههه
      اشكرك يا هيما
      تحياتي

      حذف
  5. تحية طيبة أخت كارولين
    تدوينة نحمل من النقد الكثير لمجتمع غريب فعلا...
    لنا في هذا المجتمع تناقضات كثيرة للأسف.
    سلمت أختي وبراك الله فيك

    أرجو أن لا تغيبي أكثر من الأول.

    ردحذف
  6. رشيد ابو حسام
    اشكر حضورك الطيب
    واشكر تعليقك الراقي
    ان شاء الله مش حاغيب
    اشكرك جدا
    تحياتي

    ردحذف
  7. حمداً لله على السلامة يا أستاذة نورتي البلوجر
    :))

    ردحذف
    الردود
    1. pasha
      الله يسلمك يا عم الباشا وسيد الباشا
      وابو الباشا
      اشكرك
      تحياتي

      حذف
  8. ماعتقدش ان دة بقا زمن سى السيد او الرجل ذو الشخصية المكتسحة والامراة ذات الشخصية المنكسرة فالان وبعد وصولنا للواقع دة اعتقد ان حظوظ الاتنين بقت متساوية جدا بل ان المراة تاخذ كثيرا من حق الرجل ورغم هذا نجد بنات حواء يعلون الصراخ بانهم مسلوبى الحقوق على الرغم ان الشقة من حق الزوجة

    ربنا يرحمنا برحمتة واموت قبل ماشوف البنت بتقود الرجل وسد النهضة بيدخلنا فى ظلام وعطش

    ردحذف
    الردود
    1. allelioموطني
      حظوظ الاتنين مش متساويه والله
      واسأل اي ست في الشارع بتعاني من التحرش حاتقول حاجات كتير
      المرأه مش ناكره الجميل ولا حاجه
      الموضوع كله يكمن في ان حقوقها مسلوبه في امور كتير جدا
      اتمني ان البوست لا يسبب ضيق من جانب الجنس الاخر
      انا ذكرت بردوا عيوب المرأه لانها بتتغير بعد الجواز
      اتمني تواجدك دائما حيث ان هذه المناقشه تهمني
      تحياتي

      حذف
  9. حمدالله على السلامة ووحشتينااااا جدااا :))

    ردحذف
  10. افكار مبعثره
    الله يسلمك حبيبتي
    اشكرك علي ذوقك
    انتي كمان وحشتيني
    تحياتي

    ردحذف
  11. وحشتينى جدااااااااااااا على فكرة
    انا مع ابو زياد فى الاستطلاع

    ردحذف
    الردود
    1. نور الننور
      كده يا نور تغيبي عليا
      انا زعلانه
      وحشتيني يا قمرايه جدا
      يعني نقدر نقول انتي مع ابراهيم في رأيه مااااااااشي هههههههه
      كده اتحدنا كاستات حايضعف وانتي حره ههههههههه
      سلام حبيبتي وماتغبيش عليه
      تحياتي

      حذف
  12. الفنانة كارولين
    الحقيقة لو الإنسان عمل حسابه في كل خطوة هامة في حياته لتقدير ورد فعل الناس كيف سيكون فلن يخطو خطوة واحدة... ثم أن كلمة لو من عمل الشيطان
    تحياتي
    حسن أرابيسك

    ردحذف
  13. كارولن
    كل سنة وانتِ طيبة
    كل عام وأصدقاء التدوين كلهم بخير
    تحياتي
    حسن أرابيسك

    ردحذف
  14. إيه الغيبة الطويلة دي يا أستاذتنا ؟؟
    لعل المانع خيراً إن شاء الله
    خالص تحياتي

    ردحذف
  15. كل سنة وحضرتك طيبة وبألف خير وصحة وسعادة ورضا وراحة بال وسلام وإن شاء الله يكون عام جديد سعيد عليكي وعلى أسرتك الكريمة وتحققين فيه كل ما تتمنين
    :)

    أطيب تحياتي

    ردحذف
  16. كل عام وحضرتك وكل آل فاروق فهمي كلهم بخير وفي ترابط جميل ومحبة ووئام وود
    تحياتي
    حسن أرابيسك

    ردحذف