2010-12-12

انا اكرهك

كلامي كله اليوم عن الكيمياء في حياتنا .الكيمياء التي تعمل علي التجانس والمؤانسه والمجانسه والتآزر والتي لوغابت عنا سوف يهل ويحل محلها طوفان من الكراهيه والحقد والتنافر والتباعد والعبوس وكأن هذه الكيمياء سد منيع او مصل يقينا من امراض الكراهيه التي هي كفيله بأن تدمرنا وتجعل حياتنا جحيم..
والكيمياء في حياتنا ليست مقتصره علي التجانس بين الافراد بعضهم ببعض والدليل علي ذلك ما الذي يجعلك تميل او تحب طائر معين واحيانا تذهب مخصوص الي محل الطيور لتختاره ليعيش معك في البيت .او او عندما تقرر شراء قطه او كلب فأنت تنظر الي تلك وذاك حتي تقع عيناك وتستريح الي قط او كلب معين .
والسايس عندما تنشىء لغه بينه وبين حصانه ما سبب نشأتها والقطه التي تلد في شرفه احد وتترك الآخر مالذي جعلها تشعر بالراحه هنا والنقيض هناك .
فالكيمياء في حياتنا ليست مقتصره علي التجانس بين الافراد بعضهم ببعض فالكيمياء موجوده بين الانسان والحيوان .
ودعونا نترك هذا وننتقل الي ما هو اعجب فعند دخولك الي بيت جديد (قريبه لك او جار لك)فأنت اما ان تستريح في جلوسك او تشعر بضيق .وكذلك عند التحاقك بوظيفه في شركه اما ان تشعر ان المكتب يجذبك والكرسي يشدك واما ان تشعر بأنه يلفظك .
وامثله كثيره علي ذلك منها اختيارك لكرسي معين في غرفه السفره او اريكه معينه في البيت تحب الجلوس عليها او جانب من السرير يأتي فيه النوم سريعا
الكيمياء ليست لها اسباب والدليل علي ذلك عدم راحتك بمجرد جلوسك بجانب احدا لأول مره دون وجود اي علاقه بينكم 
واخيرا وليس آخرا
عندما تغيب الكيمياء بينك وبين احدا لا تقل له انا اكرهك
فقلوب العباد بين اصابع الرحمن يقلبها كيف يشاء وهو وحده القادر سبحانه علي القاء الالفه والموده في القلوب وبين القلوب هو وحده القادر علي انتزاعها

2010-12-10

بهانه ع النت

يا ساده كان ياما كان يا سعد يا اكرام 
كان في حتتنا دهيه بت اسمها بهانه بت اسمها ايه يرد الجمهور :(بصوت عالي:بهانه .
(الراوي):بهانه الحب غواها والهوي غدار ملوهش امان واخدبالك ياواد يا رمضان 
(رمضان يعوج قفاه من الخجل) مع علينا ...البت بهانه دهيه كات بتحب عوضين كات بتحب مين اصحوا يرد الجمهور :(بصوت عالي :عوضين
(واحد من الواقفين):متخلصنا يا عم بجي وجول الحكايه 
(الراوي):حاضر يا وله من خمس سنين بس 
(رمضان):من خمس سنين بس
(الراوي):بس يا وله هات البرتجاله اللي في ايدك ديه ولا انا حاحكي ببلاش كي دي تعالو اجولكم الحكايه:
(بهانه):(تغني وهي واقفه في غرفتها امام مرايه مكسوره) كيدا العزال انا من يومي ايوه اه 
(بصوت منخفض ينادي عليها عوضين من وراء شباكها )
(عوضين):بهانه
(بهانه):(تجري مسرعه وتتكعبل علي الارض وتفتح الشباك)عوضين

(عوضين):بهانه
(بهانه):عوضين
(عوضين):بهانه
(بهانه):عوضين
(عوضين):بس بجي يا بت ان كت جي عشان كنت عايز(بهانه تقاطعه)
(بهانه):عاوز تاكل ادبحلك الوفراخ كلهم وادهملك يا عنيه
(عوضين):لا انا كنت عاوز(تقاطعه بهانه)
(بهانه):عاوزنا نهرب يا حبيبي
(عوضين):اهمدي يا بت انا كت عايز (تقاطعه)
(بهانه):عايزني اثبتلك حبي(تمسك قله من تحت الشباك وتكسر القله علي دماغها)
(يمشي من امامها قائلا:انا وجعت فهبله ولا ايه
(بهانه):(بصوت عالي)معادنا بكره يا حبيبي تحت الشجره اياها(اهل البلد جيرانهم يشاهدون وعوضين يجري مسرعا من الفضيحه)
(والد بهانه):بتكلمي مين يا بهانه
(بهانه):مفيش يابا
(والد بهانه):ممم طب اعملي حسابك يا بهانه واخده بالك انتي ان يوم الخميس الجاي جاي شعبان ابن عمك عشان يطلب يدك
(بهانه):لا ممكن وبدا اني بنحب عوضين يابا وحتجوزه
(والد بهانه):حبك برص وتلاته خرص هو جه يطلب يدك اصلا يا بنت العبيطه
(بهانه):طيب انا لو متجوزتهوشي انا هاهرب واموت نفسيتي كمان
(والد بهانه):كده ها طيب تلاته بلله العظيم منتي شايفه غير باب البيت من النهرده (ويجري مسرعا وياتي بالخشب ويغلق عليها شباك الغرفه بالمساميروالترابيس)
(بهانه):(تهمس لنفسها)ولو
وفي يوم اتسحبت بهانه من البيت ومسكها والدهاوفكت بهانه نفسها من يديه 
تجري بهانه والصوات يعلو وامها تصرخ والجيران اتلمت والكفر كله اتلم ومن بينهم عوضين وبهانه لم تجد امامها سوي نخله وطلعت بهانه النخله
(والد بهانه):انزلي يا بهانه
(بهانه):لا ممكن وبدا انا بحب عوضين وعوضين بيحبني
(واحد من الواقفين):انت بتحب بهانه 
(عوضين):لا وبدا مين دي
(بهانه):ولو موافجتش يا با علي عوضين انا حاخلع هدومي حته حته لغايه متوافج
(وبدأت بهانه بالفعل الخلع وشباب الكفر بدأوا بفتح الكاميرات وتبادل البلوتوث ومن بينهم عوضين 
(والد بهانه):(متحدث الي عوضين)متجولي يابني حاتجوزها 
(عوضين):لع
(والد بهانه):طب جولها
(عوضين):حاضر.بهانه تعالي كده شويه مش شايفك في الكاميرا كويس 
(بهانه):يعني مش حاتجوزني يا عوضين
(عوضين):لع 
(بهانه):لع؟
(عوضين):لع 
(بهانه):لع (ورمت نفسها من النخله علي( عوضين )قائله :طب خد (واعطته روسيه في دماغه قائله :لازم اخد بتاري منك يا عوضين
(عوضين):وحاتخدي تارك من البلد كولتها الزاي بعد العيال ما جريت ع السايبر عشان ينزلوا الفديو ع النت
وللأسف بهانه بقت ع النت





































2010-12-08

الوووو يا اُمم

الله يرحم توفيق الدقن رحمه واسعه فقد كان يسخر بطريقته المشهوره و الرائعه المهضومه والتي تذكرتها عندما احببت ان اتكلم عن مهرجان القاهره السينمائي وعن صرف الدوله لهذا المهرجان بالملايين وعن توزيع الجوائز بالآف الجنيهات علي ناس معاها الملايين والآلافات ...كيف تتجرأي يا حكومه مفيش خشي يا بلد اه يا بلد ..من بر هللا هللا ومن جوه يعلم الله .الملايين التي اتصرفت بلا فائده كانت ستنقذ شباب عاطلين في حاجه الي  مصانع في حاجه الي مشاريع او فقراء في حاجه الي علاج او مساكن تنقذ العشوائيات .ما فائده المهرجانات وانا حال بلدي كما هو بلا تطور وكيف افرح وغيري مكتئب وماذا سيجلب هذا المهرجان غير تدعيم العلاقات الفنيه فقط هل ستعود هذه الملايين بالضعف مثلا فتأخذها الدوله وتصرف علي جهه اخري بالنفع ..لا اعلم ماالذي استفدت منه من هذا المهرجان؟

2010-12-02

انت مجامل اذن انت مغفل

تسمح لي يا قاريء اتكلم براحتي بدون فلسفه كلام ووجع دماغ                                                                                             هل تعلم ان تأخر الامم وعدم تقدمها سببها المجامله وانا الحقيقه لم يسبق لي السفر خارج ارض بلدي ولا التعامل مع الاجناس الاخري علي ارض بلدهم ولكن سبق لي التعامل معهم علي ارضي.......فعندما تكلمت وتعاملت وتحاكيت مع الغرباء شعرت براحه وانبهار وتكونت لدي علامه تعجب كبيره تشبه المغناطيس الذي يسحبني اليه ويجبرني علي التوقف قليلا لادرك ماذا جري لنا واني لاطلق عليهم كلمه غرباء لان اجنبي في لغتنا تعني غريب ..فخلاصه اعجابي بهم يكمن في صراحتهم التي لاحظتها والتي نعتبرها احنا الشرق عيب وفي الحقيقه العيب فينا (نعيب علي الناس والعيب فينا) ولاننا مش فاهمين نفسنا صح مش عارفين نصلح منها صح وعشان دماغنا فيها تراب تعالي ننفضها شويه تعالي نتكلم شويه عن المجامله والتي اتخذت مسميات كثيره مثل (المسايسه والكياسه)ومسميات اخري ونسينا نطلق عليها المسمي الحقيقي لها (النفاق) والتي افسدت كل شىء في حياتنا وجعلتنا ننسي الصراحه والتي نعتبرها احنا الشرق قله ادب.......كثيرا نسمع عند تعاملنا مع فئه الحرفيين جمله (من غير اي حاجه يا باشا احنا مابتفرقش معانا الفلوس )او جمله(احنا آخر حاجه نتكلم فيها الفلوس)ولما يسلمك حاجتك ويبدأكلام الحساب ويحدث صدام الباشا مايبقاش باشا والفلوس تصبح اول حاجه نتكلم فيها وكمان بتفرق معانا الفلوس ...جمل ليست لها لازمه وتضيع الوقت طب بتقولها ليه.خليك صريح .وعلي صعيد آخر عند ما تتقدم لطلب يد الفتاه التي تريدها تسمع الجمله الشائعه (احنا بنشتري راجل )وعند الاتفاق علي الايمه والذي منه يحدث صدام ووقتها تنقلب الآيه وتصبح (مش عايزينه احنا عايزيين اللي في جيبه)جمل ليست لها لازمه وتضييع الوقت طب بتقولها ليه خليك صريح.اما النفاق الذي لا اجد له اجابه هو الحجاب وانا اسفه ان اسميه حجاب فأنا اجد حجابا علي الرأس فقط اما باقي الجسم فلا اجد حجابا من اصله مع البنطال الضيق والملابس الكاشفه في ضيقها ولكنه ليس نفاق مع الناس اكثر منه نفاق مع الله سبحانه وتعالي لان التي ترتدي الحجاب ليست صريحه مع نفسهافأنها تساير موضه الحجاب فقط فأنا اجدها ترقص وتتمايل وتضحك بخلاعه وبصوت عالي مستفز ومتنافر مع زييها الذي يتحتم عليها تصرفات تتماشي مع زييها ..فأنا من وجه نظري اجدها في خلعه اكثر احتراما واقل استفزازا واجدها صريحه مع نفسها اكثر ولكن كلامي هذا ليس دعوه لخلع الحجاب فأنا احدد ما اتكلم عنه دائما ........وعلي رأس هذا نفاقنا مع انفسنا هل تعلم كم انت منافق مع نفسك هل تعلم كم يتغير رأيك في احد عندما يرشيك بشىء علي شكل هديه او خدمه او او او ...الصراحه تجعلنا اقوياء ذوي شخصيات قويه لا نخشي شيء وفيها تحدي من فوبيا آراء الآخرين فينا