بصراحه موضوع انك تفكر دايما رأي الناس فيك ايه؟ بيدوش اللي مابيدوش ،وبيخليك تنسي ساعات انت كنت عايز تعمل ايه ،ويمر عليك الوقت والزمن، وتقول لنفسك بعد عمر انا ليه ماعملتش كده او كده ،ليه ماحققتش اللي انا كنت عايز اعمله ،وكتر خير المجتمع بتاعنا بصراحه لكلمه (عيب) الف حساب وحساب مع الكبير والصغير مع الرجاله والستات بس بصراحه الرجاله لغوها من زمان وقالك ده راجل يعمل اللي هو عايزه انما انتي ست (شيلاه يا ست ) يعني عامل المجتمع الواجب مع الستات وشويه،بيقولك ان الستات في المجتمعات الشرقيه اكثر عرضه للامراض الخطيره ،لان دايما متوقع منها العقل من جانبها لحد ما يوصلها لمستشفي المجانين من جانبها بردوا ،سيبك كونها مستحمله شطحات الرجل وهفواته ،وجنان العيال وشقاوتهم ،وغلاسه الحماه وبنتها ،ومعاكسات الرجاله العسل في الشارع وفي الشغل ،اللي محتاجين كمامه مش علي بقهم بس وعلي عنيهم وياريت علي جتتهم كلها علشان نخلص ،لا كمان علي تصرفاتها ماتعليش صوتك ،ماتزعقيش للعيال بصوت عالي ،مالك كده مكشره علي طول ،وهكذا....وطبعا لما تيجي تشتكي لست زيها تلاقي نصايح مالهاش اول من آخر وتلاقي مشكل اقتراحات وحلول علي اطباق من هوا اللي بطير معاها وهي ماشيه والحصيله ان النصايح دي ما هي الا عمود حديد أُضيف الي اعمده سجنها ،وماهي الا محطه من محطات الراديو المشوشه التي وضعت علي تردد خاطئ في عقل المرأه.
وستظل المرأه في صورتها الكارتونيه المكرره ،تمسك يد ابنها ذو الخمس سنوات بداخل الملاهي ،وبخلفها زوجها وهو يحمل ابنتهم ذات السنتين ،و تنظر لأمرأه اجمل منها واصغر ،وتقول في عقلها انها احلي منها، ثم تمر علي زوجها نفس المرأه ويقول الرجل في عقله لو بس اعرفها يومين دي، يادي الحظ.....
(يعني نسيتي مشاكلك كلها ومشكلتك بس انت احلي ولا غاده عبد الرازق!!!!
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا يعجبني الرجل الذي يجلس في كافي شوب ،مع بنت وهو فارد زراعيه علي الكنبه، زراع علي المخدع والاخر خلف المسند ،وكمان لو طقطق رقبته بتعالي تبقي كملت الصوره، ناقص يجيب رجلان حبشيان اقوياء يشيلوه ويهو عليه ،ولو نظرت للبنت تلاقي اهتماما في جلستها فكل ركن في جسدها متجها له ،فيخيل الي انها تلوم نفسها علي جلستها هذه بجانبه وان لولا الملاما لحدفت نفسها من علي الكنبه مرزوعه البدن علي الارض ارضاءا له وحفاظا علي مكانته ،فاذا لح لسان حال القارئ عن ماذا يضايق في ذلك حيث اننا في مجتمع ذكوري بحت وان الصوره التي رسمتها لاتسبب ضيق علي الاطلاق فأرد انا بدوري واقول اني في غايه الاشفاق علي هذا الرجل من كل قلبي حيث ان الانسه التي بجانبه في غايه الذكاء والدهاء، لقد ادخلته قصص الف ليله وليله حتي يأتي المأذون فيصيح الديك وتقول له :ولما ادرك شهريار الجواز سكتت شهرزاد عن الكلام المباح والطاعه العمياء....
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وحشتوني جدا جدا ويمكن اكتب البوست ده واغيب تاني مش عارفه بس عموما وحشتوني ووحشتني الكتابه من تاني....
باعتذر عن الغلطات الاملائيه
حمد الله بالسلامة يا كارولين
ردحذفو الراجل و الست الاتنين عليهم التزامات و واجبات و عليهم حقوق برضه
مفيش حد بيعمل اللي هو عايزو فيهم
بالرغم انه بوست متحامل على الرجل
بس جميل جدا
تسلمي
سيف المدونين
حذفمصطفي سيف
ازيك يا مصطفي ومبروك علي روايتك الجميله ربنا يوفقك
ودايما من نجاح لنجاح
البوست متحامل ع الست والراجل والله يا مصطفي ماخبيش عليك ههههههههه
انت انسان جميل اشكر تعليقك الراقي
تحياتي
كارولين فاروق
ردحذفالمدونة جميلة جدا والموضوع كمان حيويى وأظن ليس هناك ابلغ مما كتب فيه ولكن البعد عن التدوين فى حد ذاته كالبعد عن الحياة
سلمتى أختى وسلم قلمك
gamal abu el ezz
حذفاشكرك استاذ جمال علي كلماتك الراقيه
فعلا التدوين مهم جدا
اتمني تواجدك دائما
تحياتي
حمدالله على وصولك الى جوهرة مدونتك الغالية علينا جميعا ونحن فى اشد حاجتنا اليها فى مثل هذه الظروف التى تمر ببلادنا وقد خلت بعض الوقت من انس وونس تواجدك الفياض الغناء
ردحذففى الخاطرتين اعلق :
اهتمام المرأة بجمالها شئ طبيعى ولكن العيب الاكبر ان نثير اهتمامه بهذه الناحيه فقط دون ان تشعره انها هنا فى مكان لا يستطيع عنه حولا
العيب كل العيب فيما ذكرتى هو المرأة لا الرجل
المراة التى لا تعرف لها وجودا الا فى عيون الرجال وقلوبهم فلذلك جعلت منهم الاسياد فلو خلت رقعة الارض من عيون الناظرين او اقفرت حنايا الضلوع من خوافق القلوب لاصبح الوجود والعدم فى نظر المرأة سواء!!!!!!!!!!!!!!!.. .......وهذا مما ادى الى طمع الرجل فى احتلال مقعد السيادة والريادة وخسرت المراة مركز المساواه الحقيقى فاصبح بعض الازواج سليطا قاسيا مهينا داخل البيت وخارجه مستهترا لا يحتشم ولا يتلوم ولا يتقى عارا ولا مأثما فله ان يفعل ما يشاء ولها ان تففعل ما يشاءه هو
والدك الفاروق
بابا
حذفوليس هناك ما يقال بعد ما قيل
الحياه لا تخلو من عيوب الرجل والمرأه
وهناك مواقف كتيره تحكي عن ذلك ولن ينتهي القلم عن سرد الحكايات
تعليق مهم جدا كتبته يا ابي يصلح ان يكون بوست كامل
اشكرك
تحياتي
كلارينت الفاروق
ردحذفحمد الله على السلامة
ههههههههههههههههههههههههههههه
على فكرة من يكرس هذه الافكار هى المراة
واتحداكى لو عملنا استطلاع راى على اى عينة من السيدات
متغبيش علينا
تحياتى
ابراهيم رزق
حذفامير الكتابه الساخره
الله يسلمك يا ابراهيم كيف حالك وكيف حال اولادك الكتاكيت
ههههههههه صح ان المرأه هي التي تكرس الافكار الصحيحه عن الرجل ههههه
اشكرك يا هيما
تحياتي
تحية طيبة أخت كارولين
ردحذفتدوينة نحمل من النقد الكثير لمجتمع غريب فعلا...
لنا في هذا المجتمع تناقضات كثيرة للأسف.
سلمت أختي وبراك الله فيك
أرجو أن لا تغيبي أكثر من الأول.
رشيد ابو حسام
ردحذفاشكر حضورك الطيب
واشكر تعليقك الراقي
ان شاء الله مش حاغيب
اشكرك جدا
تحياتي
حمداً لله على السلامة يا أستاذة نورتي البلوجر
ردحذف:))
pasha
حذفالله يسلمك يا عم الباشا وسيد الباشا
وابو الباشا
اشكرك
تحياتي
ماعتقدش ان دة بقا زمن سى السيد او الرجل ذو الشخصية المكتسحة والامراة ذات الشخصية المنكسرة فالان وبعد وصولنا للواقع دة اعتقد ان حظوظ الاتنين بقت متساوية جدا بل ان المراة تاخذ كثيرا من حق الرجل ورغم هذا نجد بنات حواء يعلون الصراخ بانهم مسلوبى الحقوق على الرغم ان الشقة من حق الزوجة
ردحذفربنا يرحمنا برحمتة واموت قبل ماشوف البنت بتقود الرجل وسد النهضة بيدخلنا فى ظلام وعطش
allelioموطني
حذفحظوظ الاتنين مش متساويه والله
واسأل اي ست في الشارع بتعاني من التحرش حاتقول حاجات كتير
المرأه مش ناكره الجميل ولا حاجه
الموضوع كله يكمن في ان حقوقها مسلوبه في امور كتير جدا
اتمني ان البوست لا يسبب ضيق من جانب الجنس الاخر
انا ذكرت بردوا عيوب المرأه لانها بتتغير بعد الجواز
اتمني تواجدك دائما حيث ان هذه المناقشه تهمني
تحياتي
حمدالله على السلامة ووحشتينااااا جدااا :))
ردحذفافكار مبعثره
ردحذفالله يسلمك حبيبتي
اشكرك علي ذوقك
انتي كمان وحشتيني
تحياتي
وحشتينى جدااااااااااااا على فكرة
ردحذفانا مع ابو زياد فى الاستطلاع
نور الننور
حذفكده يا نور تغيبي عليا
انا زعلانه
وحشتيني يا قمرايه جدا
يعني نقدر نقول انتي مع ابراهيم في رأيه مااااااااشي هههههههه
كده اتحدنا كاستات حايضعف وانتي حره ههههههههه
سلام حبيبتي وماتغبيش عليه
تحياتي
الفنانة كارولين
ردحذفالحقيقة لو الإنسان عمل حسابه في كل خطوة هامة في حياته لتقدير ورد فعل الناس كيف سيكون فلن يخطو خطوة واحدة... ثم أن كلمة لو من عمل الشيطان
تحياتي
حسن أرابيسك
كارولن
ردحذفكل سنة وانتِ طيبة
كل عام وأصدقاء التدوين كلهم بخير
تحياتي
حسن أرابيسك
حمد الله علي السلامه
ردحذفالعاب تلوين
إيه الغيبة الطويلة دي يا أستاذتنا ؟؟
ردحذفلعل المانع خيراً إن شاء الله
خالص تحياتي
كل سنة وحضرتك طيبة وبألف خير وصحة وسعادة ورضا وراحة بال وسلام وإن شاء الله يكون عام جديد سعيد عليكي وعلى أسرتك الكريمة وتحققين فيه كل ما تتمنين
ردحذف:)
أطيب تحياتي
كل عام وحضرتك وكل آل فاروق فهمي كلهم بخير وفي ترابط جميل ومحبة ووئام وود
ردحذفتحياتي
حسن أرابيسك