طرقعه دماغ

5...4.....3.....2.......................1........................0

اهلا بكم النهارده في حفله الهالويين وزي ما مدام بمبادور في 


كل سنه تجمع حبايبها وشركائها في العمل والحياه عشان يقضوا 


يوم الهالويين وزي ما عودتنا علي حفله الهالويين ماعودانا برضه                          


                     علي مفاجأه حلوه في كل سنه                        

مدام بمبادورتأخذ الميكرفون:


حبايبي كل سنه وانتم طيبيين مش عارفه اقولكم قد ايه النهارده 


فرحانه بوجودكم وفرحانه طبعا بالهالويين هاهاهاهاها


اقدر أقول النهارده اني كملت مشاريعي مع شركائي ونجحنا سوا 


من وقت رجوعي لمصر بلدي اللي بحبها قوي (يصفقوا الضيوف)


(الضيوف بصوت عالي):المفاجأه يا مدام بمبادور عايزين نعرفها


(مدام بمبا):حاضر حاضر في الحقيقه من ساعت رجوعي لمصر  


 وبعد ما قررت آجي واستقر هنا وانا باشوف  بعربيتي  لماالسواق 


بيمشي بالعربيه واضطر أمشي في أحياء وشوارع  عشوائيه  


مليانه مناظر يعني كده ..حاجه كده ..مش قادره أوصفها غير ان انا 


اقول انها للاسف تلوث بصري لكل البشر اللي عايشيين فيها واللي 


بيمر بعربيته فيها ..سوري ياجماعه أنا مش قاصدي  


انكد عليكوا ولا حاجه..اللي عايزه أقولوا اني فكرت بجد أعمل 


حاجه للمناطق دي عايزه أخليها أحسن من شارع الشانزلزيه 


 أو صوفي جيرمان عايزه أخليها قطعه من أوروبا.


                           ( يصفق الضيوف) 


تتجه مدام بمبادور الي حي عشوائي ومعها فريق العمل وطقم      

السكرتاريه والبودي جارد والمهندسين في قمه النشاط والاستيعاب 


يتقلون الاوامر من مدام بمبه كل التوجهات والاوآمر.

بصوا بقي يامهندسين يا شطار أنا عايزه الصوره اللي في أيدي دي 


تبقي حقيقه هنا


(المهندسين):فين يا مدام

(مدام بمبه):عايزه الحي ده كله يبقي الشانزلزيه التؤام أيه حرام 


ولا مش حاتعرفوا خلاص أشوف مهندسين معماريين غيركوا


(المهندسين):تأمري سعادتك ..احنا مالنا مش هي اللي حاتدفع.


(اتنين قاعدين بيشربوا شيشه ع القهوه تتراوح اعمارهم بين 


الثلاثين والاربعين)


 شايف الموزه اللي حوليها الرجاله دولم 


لأ مش شايف


أصحي يا عمونا الست اللي هناك دي وحوليها نص كوبارات البلد


أيوه بس ماتزوأش كده ..تبقي مين دي.. تلاقيها حد من الناس  


اللي عايزيين يشتروا الناس عشان الانتخاب الله يخرب بيوتهم.


طب ماتقوم معايا نشوف بدل المعسل اللي حرق صدرنا ليل ونهار


الله يحرقك أنت والدخان في يوم واحد قدام مجلس الامه.ولا مجلس 


اللي مش عارف اسمه أيه.


يتجهون نحو فريق العمل :بقولك يا جنتل مان هو فيه أيه 


واحد من الفريق:(ينظر له بقرف من فوق لتحت)مدام بمبادور جيه 


هنا علشان تخللي المنطقه نضيفه وتخليك انت كمان نضيف..يا ..


معفن 


ينهارك أسود ماطلعتلوش شمس ولا ضله ولا قمر ولا ليل ولانجوم


(تتدخل مدام بمبادوربرقه):في ايه في أيه سيبوه محدش يجيي جنبه 


بص يا ...أسمك أيه


ليفه 
أيه
محسوبك ليفه


انت ظريف اوي ياليفه انا جيه هنا وححقق لكم كل اللي انتم 


عايزينه من غير مقابل انا مش داخله الانتخابات ولا حاجه 


وعيزاك تقول للناس كلها اللي هنا اني عمله اجتماع ليهم كلهم 


علشان عايزه اعرض عليهم التجديدات اللي حاعملها

 ليفه:(في القهوه):النهارده بصفتي انا المسئول الرسمي عنكم وعن  


هذا المنطقه دي كلها تامن.. بقول لازمن ولابد اجتمعنا كمعلمين 


المنتقه احنا وجماعتنا لاجتماع القمه اللي حتديره ستنا بمبه كشر 


واللي حاتشوف طلابيتنا وتلبي هلنا وقتي بالصلاه علي النبي.

                           (الاجتماع في الصوان)
  
مدام بمبادور:متعرفوش قد أيه انا مبسوطه النهارده بوجودي 


معاكم وزي معملنا دراسه علي المنطقه بأكملها وعرفنا ايه اللي 


ناقص ومش موجود حنقدر وبعون الله نكملها بامكانيتنا ونجعلها 


من احسن الاحياء 


(واحد من اهل المنطقه):بالنوسبه لمشكله العيش وطابور العيش 


سياتك والميه والمجاري والغله اللي احنا عايشينوا واللي مش عايشينوا


(تقاطعه مدام بمبه):حاضر من عنيه الاتنين كل اللي انتوا عايزينوا كله حاضر.. انا بفكر السيدات ان بكره الساعه تمانيه يحضروا الديفيليه الخاص بيهم واللي اشرفت علي تصاميمه بنفسي.


(واحده من الستات):ايه ياختي اللي بسم النبي حرسها قالته ده


(ترد عليها اخري):باين ياختي حايفرقوا فته .


(تاني يوم الساعه الثامنه تجتمع الستات حول الديفيليه علي امل اخذ الفته ثم يتفاجئوا بالعرض وميكرفون يقول :آن  الآوان يا ست يا مصريه ان تتحرري من عبأ العبايه السوده في الايام السوده وتلبسي التطور الطبيعي للعبايه السوده بتيير بجميع الالونات والمقاييس ب خمسيين جنيه بس)


(واحده من الستات):هيه العبايه السوده كانت مشكله للدرجادي

(واحده من الستات):يمكن ياختي واحنا مش واخدين بالنا يعني لو الواحده معاها خمسين جنيه مش تيجيب بيهم لحمه اولي للعيال.

(ليفه يجري وراء مدام بمبه) :يا ست الحجه احنا عايزيين طلبات وحاجات كتيير(تقاطعه)

(مدام بمبه):حاضر من عنيه الاتنين كل اللي انتوا عايزينه كله قول لاهل الحي اني حليت موضوع العيش ومش حاخللي واحد فيهم يقف في الطابور وحياخدوا العيش دليفري كمان وهما في بيوتهم

ليفه:ازاي

مدام بمبه:حايدفع كل واحد فيهم متين جنيه في الشهر مقابل فيزه حايخدها ويعطيها للفران كل شهر شامله العيش والتوصيل لحد البيت ..يالا روح قولهم

ليفه:ده انبقي ليفه لو روحت قولتلهم ..يانهار احوس ده ايه الحلول اللي لعبكت الدنيا دي ياحول الله يا رب.

(وبعد ما مشي شويه.. شاف حمام السباحه اللي عملته مدام بمبه  في وسط الحي واللي اصبح مرحاض للاطفال تاره وحوض للستات لغسيلالملابس المتسخه تاره اخري لقله المياه في بيوتهن)

وذهبت مدام بمبادور دون ان تحقق ربع ما وعدت به اهل الحي وتركت الحي كما هو مع الحسنه الوحيده (المرحاض الكبير) 

قصدي (حمام السباحه).

فانتازيا xفانتازيا

بعد ما كون نفسه وعمل قرشين حط الدبله وحط الساعه...مممممم
قصدي حط الجواب في البوسته ومكتوب عليه نفسي ياعالم اتجوز.


انا جي ومستعجل عايز اتجوز يا جدعان ...والجواب طار في الهوا شاشي ونزل علي سقف الوالد والوالده وأول ما عرفوا زغرتوا محمد جي وعايز يتجوز كمان .... مبارك مبارك


الوالده قالت مفيش غير (سوالا) اللي حتنفعوا والوالد قال قصدك 


سلوي اللي كان في قمل في شعرها ...قالتله دوكها (ساهير) 


(سوالا) كانت بتحط صباعها في مناخيرها بس.


وجه محمد والزغاريت هلت وقعدت الحجه تحكي وتتحاكي عن 


(سوالا) قصدي سلوي وأخلاقها وجمالها وعيلتها .


محمد طلع حاجب ونزل الاخر وقال خلاص علي خيره الله يبقي 


فاضل بس اشوفها و اعاينها


وراحت العيله بمحمد لبيت سلوي وكانت متتعيبشي عندها المال 


والجمال وعندها أم تحب الكل يضرب لها تعظيم سلام أصلها 


مروضه الكل واولهم عم الحج جوزها وما تحبش كلمه لا ...


ده غير الفلسفه اللي بتقولها تقولش سقراط علي عبد الباسط حموده .
قال محمد في باله عال عال بس اطمن يا واد علي نفسك بقي شوفها 


توموتيكي توموتيكي ولا توموتيكي علي رومان بلي .


بتطبخ سلوي يا حماتي وكان ردها :أومال ايه 










وكمان بتمسح وتكنس وتغسل 











مرواحها للكوافير مفيش ده شعرها حرير في حرير








تعرف تربيلك عيالك في المستقبل 








وتخلفلك الواد والبت وتسميهم عاطف وحنان 













دي عمرها ماشافت الشارع ولا ليها صحاب ولا تعرف جيران










وتمت الجوازه زي مانتوا شايفين وعاشوا في المج ده




محمد كان بيشتغل في بلاد بره شاف ستات كتير علي كل لون 


وعاش حياته بشقاوه بس لما حب يجوز مفيش غيرها المصريه 


ذات الايشارب الوردي والفستان الفضفاض البمبي. اللي ما تخبيش 


حاجه علي مامتها لغايه ما تخرب بيتها .شعارها الزن ع الودان 


أمر من البتنجان.


سلوي كانت خام ماتعرفشي السياسه وتعب معاها محمد مره بعد 


مره وسنين بعد سنين وبعد ما خلص صبر محمد من جلسات صلح 


واستماع الي الست حماته والحكم والمواعظ والتي كان بيتمني في 


خياله جلب مطرقه تنهي الصداع وتنتهي حماته بالمره.


كانت دي آخر جلسه مع سلوي وعبد الباسط حموده لا لا قصدي 


حماته .فكان يغني بينه وبين نفسه أغنيه شعبيه مع كل جمله تقولها 


حماته عشان مايتعصبشي والظاهر حماته اخذتها الجلاله اكتر 


واكتر واكتر حتي اخذه خياله اكتر بانه يتخيل بأنه يلعب لها 


حواجبه ولسانه ويهز لها أردافه 


وانتهت الحماه من الكلام المباح بعد ثلاث ساعات متواصله دون 


فواصل ولا اعلانات وانتظرت من محمد بأنه يتكلم فنظر 


اليهاوقال: (بعد أن أخذ أنفاسه )أنا انا انا مش عارفني 


وأخذ يردد أغنيه عبد الباسط حموده حتي وصل به الحال الي 


مستشفي المجانين وراح ضحيه عبد الباسط 


حموده قصدي حماته.

ولكن أكثر الناس لا يشكرون

للأسف لست من أهل العلم الذين نأخذ منهم الفتاوي لكي أقول قال 


الله وقال الرسول(ص). ولكني أجتهد علي قدر جيد وان شاء الله


في طريقي الي الافضل .


قال الله تعالي في (سوره البقره):


(ان الله لذو فضل علي الناس ولكن أكثر الناس لا يشكرون)


وقال الله تعالي في سوره (آل عمران):


(الذين يذكرون الله قياما وقعودا وعلي جنوبهم ويتفكرون في خلق 


السموات والأرض ربنا ما خلقت هذا باطلا سبحانك فقنا عذاب 


النار)


وفي حياتنا عندما نقابل من يحسن الينا  ندين له بالوفاء والشكر 


والامتنان ونذكره من حين للآخر ونقابل أحسانه بأحسان.


وما بالك بنعم الله التي لا تحصي ولا تعد والتي نتمتع بها في كل 


ثانيه ولا يشعر بها  ألا من غفل عنها وأخذته دنياه.


أو يشعر بها ممن أبتلي وينساها ويعيد الكره مره أخري.


وقولي هذا ليس له مناسبه أو أبتلاء ولكن أحتجت أن أتحدث عن 


نعم الله علي وفضله (وأما بنعمه ربك فحدث).


فدعوني أناجيه بأرتجال مني دون مراجعه أو تحضير وأتكلم 


براحتي.


                   أحمدك يا ربي علي نعمك الكثيره
                   
                أحمدك ياربي علي فضلك الكريم علي


                أنك كريم كريم قوي وكبير كبير قوي
              
                   ورؤوف ولطيف ورحيم وغفور


                  أشكرك لاني أبصر وأسمع وأحس


               أشكرك يا رحمن أشكرك يارب العالمين


                  أنت حبيبي وأي عشق لغيرك خزي 


                       وأي شكوي لغيرك مذله 


                            من غيرك بجانبي


               مهما كانت الدنيا مليئه حولي من غيرك


                                أرحم وألطف


                       تنصرني علي أعدائي دائما 


                          تخفف عني ألآمي دائما


                            تأمر بالصبر الجميل


                           وتجزي من طاعك في 


                                    مطلبك 


                           أنت عظيم في أمتحانك
                            
                              ورحيم في فرجك
                       
                            ربنا لا تؤاخذنا ان اخطأنا 


                                      أو نسينا


                               أستغفرك دائما وأبدا



                                 وأشكرك يا ألهي
                             

اول الغيث قطره

                                اول الغيث قطره                        


الي كل من يشك ان المسلمون المصرييون لهم يد فيما حدث اقول 


لهم رويدا فكل شيء له بدايه وكل العواصف تسبقها الرياح


وسؤالي اليوم هل لاحظنا بفرق منذ ان كنا صغار في المدرسه او 


في الجامعه او في الشارع بين مسلم ومسيحي ؟


من  الذي  ليس له صاحب مسيحي في المدرسه او في العمل او 
  
او موجود بالفعل بالعماره الذي يقطنها؟


من ذا الذي لا يحب نجيب الريحاني و يشاهد هاني رمزي 
ويضحك من قلبه  وفنان الكوميديا جورج سيدهم الله يشفيه؟


من فينا احيانا يفضل الذهاب الي دكتور مسيحي من كثره خبرته 


واتقانه؟


من فينا لا يصدق مسيحي اذا  قال (صدقني) ؟


ونحن كمسلمون ماذا صدر منا كافعال تجعلكم تشكون في ذلك 


فنحن اخوه منذ الدهر وتاريخنا كله مشرف في الحرب والسلم


اين كانت القطره حتي تتسارع وتتساقط علينا هذه الامطار


اين البدايه ..........................................................

انا اكرهك

كلامي كله اليوم عن الكيمياء في حياتنا .الكيمياء التي تعمل علي التجانس والمؤانسه والمجانسه والتآزر والتي لوغابت عنا سوف يهل ويحل محلها طوفان من الكراهيه والحقد والتنافر والتباعد والعبوس وكأن هذه الكيمياء سد منيع او مصل يقينا من امراض الكراهيه التي هي كفيله بأن تدمرنا وتجعل حياتنا جحيم..
والكيمياء في حياتنا ليست مقتصره علي التجانس بين الافراد بعضهم ببعض والدليل علي ذلك ما الذي يجعلك تميل او تحب طائر معين واحيانا تذهب مخصوص الي محل الطيور لتختاره ليعيش معك في البيت .او او عندما تقرر شراء قطه او كلب فأنت تنظر الي تلك وذاك حتي تقع عيناك وتستريح الي قط او كلب معين .
والسايس عندما تنشىء لغه بينه وبين حصانه ما سبب نشأتها والقطه التي تلد في شرفه احد وتترك الآخر مالذي جعلها تشعر بالراحه هنا والنقيض هناك .
فالكيمياء في حياتنا ليست مقتصره علي التجانس بين الافراد بعضهم ببعض فالكيمياء موجوده بين الانسان والحيوان .
ودعونا نترك هذا وننتقل الي ما هو اعجب فعند دخولك الي بيت جديد (قريبه لك او جار لك)فأنت اما ان تستريح في جلوسك او تشعر بضيق .وكذلك عند التحاقك بوظيفه في شركه اما ان تشعر ان المكتب يجذبك والكرسي يشدك واما ان تشعر بأنه يلفظك .
وامثله كثيره علي ذلك منها اختيارك لكرسي معين في غرفه السفره او اريكه معينه في البيت تحب الجلوس عليها او جانب من السرير يأتي فيه النوم سريعا
الكيمياء ليست لها اسباب والدليل علي ذلك عدم راحتك بمجرد جلوسك بجانب احدا لأول مره دون وجود اي علاقه بينكم 
واخيرا وليس آخرا
عندما تغيب الكيمياء بينك وبين احدا لا تقل له انا اكرهك
فقلوب العباد بين اصابع الرحمن يقلبها كيف يشاء وهو وحده القادر سبحانه علي القاء الالفه والموده في القلوب وبين القلوب هو وحده القادر علي انتزاعها

بهانه ع النت

يا ساده كان ياما كان يا سعد يا اكرام 
كان في حتتنا دهيه بت اسمها بهانه بت اسمها ايه يرد الجمهور :(بصوت عالي:بهانه .
(الراوي):بهانه الحب غواها والهوي غدار ملوهش امان واخدبالك ياواد يا رمضان 
(رمضان يعوج قفاه من الخجل) مع علينا ...البت بهانه دهيه كات بتحب عوضين كات بتحب مين اصحوا يرد الجمهور :(بصوت عالي :عوضين
(واحد من الواقفين):متخلصنا يا عم بجي وجول الحكايه 
(الراوي):حاضر يا وله من خمس سنين بس 
(رمضان):من خمس سنين بس
(الراوي):بس يا وله هات البرتجاله اللي في ايدك ديه ولا انا حاحكي ببلاش كي دي تعالو اجولكم الحكايه:
(بهانه):(تغني وهي واقفه في غرفتها امام مرايه مكسوره) كيدا العزال انا من يومي ايوه اه 
(بصوت منخفض ينادي عليها عوضين من وراء شباكها )
(عوضين):بهانه
(بهانه):(تجري مسرعه وتتكعبل علي الارض وتفتح الشباك)عوضين
(عوضين):بهانه
(بهانه):عوضين
(عوضين):بهانه
(بهانه):عوضين
(عوضين):بس بجي يا بت ان كت جي عشان كنت عايز(بهانه تقاطعه)
(بهانه):عاوز تاكل ادبحلك الوفراخ كلهم وادهملك يا عنيه
(عوضين):لا انا كنت عاوز(تقاطعه بهانه)
(بهانه):عاوزنا نهرب يا حبيبي
(عوضين):اهمدي يا بت انا كت عايز (تقاطعه)
(بهانه):عايزني اثبتلك حبي(تمسك قله من تحت الشباك وتكسر القله علي دماغها)
(يمشي من امامها قائلا:انا وجعت فهبله ولا ايه
(بهانه):(بصوت عالي)معادنا بكره يا حبيبي تحت الشجره اياها(اهل البلد جيرانهم يشاهدون وعوضين يجري مسرعا من الفضيحه)
(والد بهانه):بتكلمي مين يا بهانه
(بهانه):مفيش يابا
(والد بهانه):ممم طب اعملي حسابك يا بهانه واخده بالك انتي ان يوم الخميس الجاي جاي شعبان ابن عمك عشان يطلب يدك
(بهانه):لا ممكن وبدا اني بنحب عوضين يابا وحتجوزه
(والد بهانه):حبك برص وتلاته خرص هو جه يطلب يدك اصلا يا بنت العبيطه
(بهانه):طيب انا لو متجوزتهوشي انا هاهرب واموت نفسيتي كمان
(والد بهانه):كده ها طيب تلاته بلله العظيم منتي شايفه غير باب البيت من النهرده (ويجري مسرعا وياتي بالخشب ويغلق عليها شباك الغرفه بالمساميروالترابيس)
(بهانه):(تهمس لنفسها)ولو
وفي يوم اتسحبت بهانه من البيت ومسكها والدهاوفكت بهانه نفسها من يديه 
تجري بهانه والصوات يعلو وامها تصرخ والجيران اتلمت والكفر كله اتلم ومن بينهم عوضين وبهانه لم تجد امامها سوي نخله وطلعت بهانه النخله
(والد بهانه):انزلي يا بهانه
(بهانه):لا ممكن وبدا انا بحب عوضين وعوضين بيحبني
(واحد من الواقفين):انت بتحب بهانه 
(عوضين):لا وبدا مين دي
(بهانه):ولو موافجتش يا با علي عوضين انا حاخلع هدومي حته حته لغايه متوافج
(وبدأت بهانه بالفعل الخلع وشباب الكفر بدأوا بفتح الكاميرات وتبادل البلوتوث ومن بينهم عوضين 
(والد بهانه):(متحدث الي عوضين)متجولي يابني حاتجوزها 
(عوضين):لع
(والد بهانه):طب جولها
(عوضين):حاضر.بهانه تعالي كده شويه مش شايفك في الكاميرا كويس 
(بهانه):يعني مش حاتجوزني يا عوضين
(عوضين):لع 
(بهانه):لع؟
(عوضين):لع 
(بهانه):لع (ورمت نفسها من النخله علي( عوضين )قائله :طب خد (واعطته روسيه في دماغه قائله :لازم اخد بتاري منك يا عوضين
(عوضين):وحاتخدي تارك من البلد كولتها الزاي بعد العيال ما جريت ع السايبر عشان ينزلوا الفديو ع النت
وللأسف بهانه بقت ع النت

الوووو يا اُمم

الله يرحم توفيق الدقن رحمه واسعه فقد كان يسخر بطريقته المشهوره و الرائعه المهضومه والتي تذكرتها عندما احببت ان اتكلم عن مهرجان القاهره السينمائي وعن صرف الدوله لهذا المهرجان بالملايين وعن توزيع الجوائز بالآف الجنيهات علي ناس معاها الملايين والآلافات ...كيف تتجرأي يا حكومه مفيش خشي يا بلد اه يا بلد ..من بر هللا هللا ومن جوه يعلم الله .الملايين التي اتصرفت بلا فائده كانت ستنقذ شباب عاطلين في حاجه الي  مصانع في حاجه الي مشاريع او فقراء في حاجه الي علاج او مساكن تنقذ العشوائيات .ما فائده المهرجانات وانا حال بلدي كما هو بلا تطور وكيف افرح وغيري مكتئب وماذا سيجلب هذا المهرجان غير تدعيم العلاقات الفنيه فقط هل ستعود هذه الملايين بالضعف مثلا فتأخذها الدوله وتصرف علي جهه اخري بالنفع ..لا اعلم ماالذي استفدت منه من هذا المهرجان؟