بخاطرها

 

بخاطرها بضفاير جدايل لون الشمس وبشرتها تحاكي تنافس صفاء المىّ وعيونها بلون الجنه ورموشها باب رضوان لمين تديله نظره والكل يا ولداه غلبان لا ملي يوم العين حدا ولا شغل القلب جدع من الجدعان لكن ده حاولوا كتير لكن روّحوا بيوتهم وعلي راسهم خيبه تتوزن  يا ولداه تمليَ البلد دي حكاوي كت كده وكتير من الحكايات رافضه ست الامل و الجمال دوّن ودوّن عشان في خيالها فارس علي خيل ابيض ع الباب لكن يا حسره لسه اوانه ماجاش ان شافها الحبايب صلوا ع المصطفي الحبيب وان شافها الحساد شهقوا بعين كارهه ومشيوا بعيد ناكرين جمالها لاجل النوم يجلهم اصل الكره يا ولهم  طير النوم من عينهم.


بخاطرها كانت وحيده الام والاب تأمر وتنهي ولا يقدر حدا يقول لها لأ كله آمين ومفيش بعدين مهو اصل جمالها يسر العين ولا فيش في الحِجرغيرها والورث ماهوش رايح لغيرها.

وف يوم  سهاها النوم لحد الضحي وحتصي ليه قبل الضحي لا عجين مستنيها تعجنه ولا فرخ تأكله ولا حلب تحلبه ولا زرع تقلعه مهو كله تحت الاوامر جاهزُ وفتحت عينها بخاطرها علي صوت نباح كلبها مع زغاريد خدامها مع ضرب طلقات بنادق مُفرحه
وطلعت بأعلي صوت

بخاطرها: أيه في ايه ..أيه الدوشه والزنبليته دي

 ام الخبر(خادمه): مبروك يا ستي الف مبروك

بخاطرها: مبروك علي ايه بجي ان شاء الله !!!

ام الخير: الباشا جرا فتحتك يا ستي (وترقع زغروته)..(تقاطعهابخاطرها)

بخاطرها:جروها عليكي بدري يا مجنونه انت انتي بتقولي ايه ..انا نازله اشوف في ايه(تنزل بخاطرها لحد مكتب الوالد)

بخاطرها:(تنظر في عين المفتاح لكي تري ابيها يجلس بجوار شاب فلاح ولكن يظهر عليه العز.. فتشد يدها امها وتقول لها)

الام: اللي بتعمليه ده تعالي كده شويه علشان ادخل صنيه الشربات اوعي

بخاطرها :أمه !!!

الام:هُس ولا كلمه الكلام بعدين مش دلوجتي اطلعي كيده اغسلي وشك وسرحي شعرك كيده يلا.(تدخل الام مرحبه بالعريس وتغلق الباب ورائها دون ان تتحرك بخاطرها من مكانهاخارج الغرفه وهي في حاله استغراب..وعندما تخرج من الباب مره اخري الام تزحزح بخاطرها بعيد عن الباب وتقول لها)

الام : انت لسه واجفه عندك

بخاطرها : في ايه يا اما!!

الام:في عريس يا روح ماما

بخاطرها:كده هو من غير ماتخدوا موافجتي

الام:حناخد موافجتك ماتخافيش يا حبيبتي يعني انتي حاتقولي لأ(تذهب الام الي المطبخ وتمشي ورائها بخاطرها مسرعه)
بخاطرها:وده يبقي مين ده ان شاء الله!!!
الام:ده متولي ابن ابو اسماعيل اللي اخته اسمها ايه دي خوخه
بخاطرها :يانهار ملوهش الوان
الام :في ايه يا بت ايه سمعتي عنه حاجه كيده ولا كيده
بخاطرها :هو ده العريس يا أما
الام :فه ايه يا بت انتجي 
بخاطرها:ده اتقدم لبنت عمي وفاج ومردياتشي بيه أأوم اني ارضي بيه
الام:طب وماله طب دي وفاج دي هبليه وانتي مالك بوفاج
بخاطرها:بجي اني اللي احلي مينها واغني مينها اخد ده ..اهو ده اللي مش حايحصل ابدا
الام: يا وجعه مطينه هو كام عريس يا بت(تتركها بخاطرها وتطلع غرفتها تاركه والدتها تتكلم وتصفق يدا  بيد)
وطار العريس
وتولت العرسان في التوافد والطيران طالبين الرضا والموافقه وتوالت بخاطرها في الرفض والاستكبار ده طماع فيه وده اقل مني علام وده شكله مش عاطفي وده ظوافره طويله وده امه مسيطره وده اخته معفنه وده بيهرش كده وده بيعمل كده 
لحد ماوصلت للثلاثين من العمر ووفاج اتجوزت وعفاف اتنيلت ورُخره خلفت وعلانه اتجهزت...وفضلت بخاطرها بخاطرها من
 غير جواز وعلي رأي المثل خطبوها اتعززت وفتوها اتندمت...
                                   تمت

اهداء الي صاحبه القلب الكبير

http://www.youtube.com/watch?v=Fj9YT9HoaT0 

من منزلي اعزف اليوم الي صاحبه القلب الكبير
 ليلي الصباحي 
 اغنيتان  ل edit piaf 
يمتزج بهم الامل فأتمني ان يصل هذا اليك يا ليلي والي الجميع

ملحوظه ارجوا ان تستمعوا الي العزف بعد التحميل الكامل

قول يا شألشه +تحديث

أنا : أزيك يا شألشه

شألشه :الحمد لله روضا

أنا:وازي مزاجك كده مش منيل ومأندل والكلام ده كله

شألشه:نحمده علي كل حال يا مودام

أنا: طيب أيه رأيك في الثوره يا شألوش

شألشه: والله يعني الثوره عملت حاجات حلوه بس مفيش شغل 
 زي الاول وكده يعني

أنا : وأيه رأيك في الاوضاع في مصر دلوقتي يا شنشيني

شألشه: دوقت الاوضاع في مصر عمله زي افلام الابيض وأسود

ازاي يا شألوش

حضرتك فاكره في الافلام العربي لما تقوم خناقه بين اتنين في قهوه 

اه فاكره

تلاقي لاموأخذه واحد بيتخانق مع واحد تقوم القهوه كلها تقوم علي بعض  طب الباقي يقوم علي بعضه ليه ما انت كنت قاعد مع اللي جنبك صحاب اللي قومك تضربه

والله نظريه

 وأيه رأيك في بشار 


قصدك هتلر يا مودام

ماشي هتلر ..أيه رأيك في هتلر سوريا

ده ماحصلش هتلر اللي كان بيقتل في العالم 

أزاي 

يعني هتلر كان بيقتل في العالم بس مقتلش شعبه وناسه 


فاكره يا مودام ايام الثوره بتاعتنا لما كنا خايفين من حد يهجم علينا في بيوتنا وكنا مابنمشي  

اه فاكره 

ده بقي اصبح حقيقي في سوريا دول بيدمروا البيوت اعوذ بالله

ده كمان بقتلوا الاطفال دي بقت حرب بينه وبين شعبه

أنا حاقولك يا مودام اصل بشار ده شاب مش زي مبارك والقذافي عواجيز يعني شوفي بقي لما الافتري يبقي جوا واحد شاب 


والله نظريه

الا قولي ايه القصه المريبه اللي انت عملها في شعرك دي يا شوشيني ..دي موضه ....ده فزلين خمس خمسات 


ده كوريم يا مودام مش عارفه الكوريم 


عرفاه عرفاه سمعت عنه بس ماهتمتش ... انت متجوز يا شألوش 


اسمي شألشه حضرتك ولسه ماتجوزتش 

معقوله يا شألشه بقي العيون المدغمسه دي والشعر الموزنبليه ده والبنطلون اللي بقالوا سنه ماتغسلش يعني الروشنه دي كلها وماتتجوزش

ههههه اصلي عايز واحده يعني  معاها فلوس وكده 

واحده معاها فلوس وكده!!!

اه واحده مريشه يعني واهلها مريشيين وقاعده علي فلوس يعني

اول مره اعرف ان في واحده بريش وقاعده علي فلوس تكونش عايز فرخه انت جعان يا شنواتي جعان؟

يافوتاح ياعليم ياروزاق يا كريم

طب ماتتعصبش طيب يا شنشن  

طيب انت ماوقعتش في بلاعه قصدي ف الحب زي البني ادمين 

يا  يا ولا بلاش اصلي مش عارفه احفظ اسمك

يعني حبيت واحده مطلقه ومعاها عيل بس كنت بحبها اوي.. حب رومنتيكي ...رومنتيكي رومنتيكي يعني

طب وبعدين

وبعدين ايه

(بصوت عالي) ماتجوزتهاش ليه

بتقولي ايه يا مودام انا لسه عازب وهي مطلقه وكده هون

وكده هون امممممم طيب وهو ده يمنع مش لسه قايل رومنتيكي 

وحسيت ان الدمعه حاتفر خلاص من عنيك وشاورت نفسي علشان اتأثر  معاك واعيط بس ماجاليش نفس بصراحه مااقتنعتش 

بحبها اه بس لما حبيت اقول لاومي رفضت وقالتلي ليه هي الحريم خلصوا عشان تتجوز مطلقه يا ابن الموكوسه

اممممم وانت؟

بصراحه اقتنعت بكده يعني

طب انت مقتنع ان الماما بتاعت ال  انت ممكن تمشيلك حياتكم زي ماهي عايزه 

اه طبعا 


طيب لو قالتلك طلق مراتك حطلقها 


 طبعا ..مافيش كلام 

طب انت رأيك ايه ف الشباب اللي مالوش رأي في مجتمعنا 

يعني ايه

يعني ايه رأيك في ادوارد اللي اتنازل عن العرش علشان كان بيحب واحده امريكيه مطلقه واسمع ان هي اطلقت مرتين

مش فاهم!!

يعني انت رأيك ايه في نفسك؟

انا شايف نفسي .......

ايه مش عارف ترد؟ اصلهم بيقولوا ان الشرقيين عاطفيين ولا ايه...

اه

انت موجود امتي علشان ماجيش

انا موجود هنا يا مودام علي طول

طب انا حاجي 

امتي 

الا تلت كده 

طب قوليلي قبل ماتيجي علشان لو عندي اجتماع مع اومي ابقي عارف


نظريه برده


* احبائي المدونين اشكركم علي اهتمامكم وحرصكم علي التواصل وعدم العزله وفتح التعليقات اشكركم من كل قلبي اشكر ابي فاروق فهمي ومصطفي سيف الذي احرجني بذوقه واشكر كل من اهتم وشارك بتعليقه لاعاده التعليقات لدي

خارج نطاق الخدمه

اخذت ورقتي وقلمي دون علم مني واخذت الشاي الذي احضرته دون سكر حتي القيته في 


ساعتها في الحوض. 


وسمعت جرس تليفون المنزل فتكبرت عليه وتجاهلته.


وسمعت صريخ ابنتي المتواصل ولم تصيبني العصبيه .


ثم دق باب المنزل ففتحته ونظرت الي البوابه وهي تتحدث واغلقت الباب بهدوء اثناء 


حديثها واكملت حديثها برده فشعرت اني لم اغلقه فذهبت لضغطه وقفل الاقفال.لكن اكملت 


حديثها..مفيش فايده.


ثم وقع القلم فلما وقع اخذته ثم القيته علي الارض مره اخري ..ما هو مش بمزاجك.


شئ بعيد... غريب ...مريب ونظرت الي مرآتي فلم اجد جديد...


والبرد القارص يزيد من شتائي ...وخريفي ضائع من ربيعي.


فلما ارتجف غطائي خاصمته لعل الامر يتحسن.


دق الباب وفتحته وتفاجئت بفاتوره الكهرباء المتراكمه التي تعدت الالف جنيهات . ففرحت


وقُلت يا زمان انت الوحيد والصديق  فلا تخاصمني حتي اذهب باب اللوق لاشتري 


رسيفر جديد وأهنأ بالبلالين فتضحك لي الدنيا وتغرد عصفورتي .


وقتها سأصل الي منتهاي ...وآدي دقني لو فهمت حاجه.

ع الهوا

صباح الخيراحبائي المدونين

سوف اظهر اليوم علي قناه الشباب مباشر ع الهوا الساعه الخامسه وسوف اتكلم عن آثار 

الموسيقي .........كما تعلمتها من الكونسير فتوار.

ويهمني رأيكم جدا .......

خد اجازه من نفسك

لقد اقحمت نفسي في عالم التدوين عن غير اقتناع بأني ذو كفء   


يعادل ثقافه الآخرين في الصحافه والتدوين .وكل ما أكتبه هو 


هوايه محببه الي قلبي يشارك في قراءتها من يحب .واليوم سأكتب 


عن القوه الخفيه (من وجه نظري المتواضعه) والموجوده 


والمغموره  بداخلنا والتي لا تعتري اهتمامنا في ظل الضغوط 


اليوميه والمشاكل ودوامه الحياه التي اخذتنا وغرقت تفكيرنا بقوه 


دون ان ندري. وكأننا نسير وفقا للمركب التي تقودنا ونسينا ان 


نقودها نحن.

لقد تكلم الكثيرون عن القوه الخفيه وعن تعريفها وعددها وكينونتها


مثل القوه التي تأتينا في اللحظه التي نتعرض فيها للخطر لندافع 


فيها عن انفسنا مهما كنا ضعفاء أو كنا في شده الارهاق .


أو الاستدعاءات كأستدعاء شخص بعيد نريد رؤيته عن طريق 


النداء المتكرر لأسمه أو استدعاء ظرف معين والتي شروطها 


الايمان بها في البدايه قبل تطبيقها.


أو التنويم المغناطيسي وهي قوه يمتلكها بعض الاشخاص قادرين 


علي تنويم الآخرين بالنظر الي عيونهم.

أو القدره علي عدم الشعور بلألم  اثناء الضرب المبرح وهذا 


موجود بالفعل لدي لاعبي (السومو) عن طريق تدريبهم علي ذلك.


وغيرها من اشياء و قدرات كثيره  يستخدمها من يشتغلون في 


السيرك والذي نطلق عليه الساحر كتحريك الاشياء عن طريق 


النظر اليها و غيرها.

ولكن اليوم سأتكلم عن قوه خفيه واحده وهي موجوده عند الجميع 


ومعظمنا لا يعرفها ولا يركز فيها والغريب انها لا تحتاج الي 


تدريب فهي تأتينا من الخالق عز وجل  .


هل فكرت في يوم لماذا يقولون علي المعاق ذهنيا (ده بتاع ربنا)

أو فكرت ف المثل الذي يقول (خدوا فالكوا من عيالكوا) . او 


ركزت في الحكمه التي تقول (اتركها تمتلكها) .


اترك هذا وجاوبني لماذا عندما نخرج شئ  من عقولنا كنا نريده 


يصبح موجودا ولا تجاوب حتي أسألك السؤال الآخر كيف نحصل


علي حل  لمسأله تعصب حلها  علينا بعد اخذ قسطا من النوم .


اليس هناك ارتباط بين هذه الامثله كلها ...أكيد هناك ارتباط 


(التوكل)


 عندما أمرنا الله بالتوكل والتوكل كلمه ليست سهله علي الاطلاق 

نعرفها ونتخيل اننا نطبقها ولكن للأسف معظمنا لا يطبقها .


عندما جئنا الي الدنيا الهدف الاساسي من وجودنا هو العباده 


والعمل وعمل الخير حتي نحصل علي الجنه في الآخري ولكن 


الدنيا وصفت باللهو واللعب والمقصود هنا ليس  الابتعاد عن 


الرزائل  فقط كوصفها لهو ولعب ولكن كل ما ما يدور من مشاكل 


صغيره وكبيره حولنا هو في حد ذاته لهو


ننظر الي هذه المشاكل  بيأس وكأنها نهايه العالم وعندما 


نغادرها وننضج اكثر نضحك او نستغرب  علي افعالنا وقتها لذا


ذكرت ان التوكل ليس سهلا علي الاطلاق ولكن من يطبقه بأيمان


وصبر يهديه الله بهديه الرؤي والشفافيه كالطفل الصغير الذي لا 


يفكر كالكبير وهنا لابد ان ندرك ان التفكير الزائد في ما نتمناه او


التفكير في مشاكلنا  او اهدار طاقتنا بالسلب في الحقد والغل 


والانتقام لا يعطي حلا اسرع من التوكل ...


علشان كده خد اجازه من نفسك.....

القدر

                                  
                 لعين قلبي معذب باحث عن كل متاعبه
                               
                 يعاند في كل خطوه راكضه الي رشده 
                                 
                   فيكابر وينهي ويأمروأنا له عابد 
                            
                 فكيف تكون قلبي وفيك خصال خاصمي




               لعين قلبي معذب عن حبك ما كل ولانسي
                                
                   يذكرني بماض تركه الدهر وتوله


                 وكنت له وفي العمر وللصبر صاحب


                 حتي نفذ الصبر وفقد النسيان طريقه