2011-01-22

طرقعه دماغ




5...4.....3.....2.......................1........................0


اهلا بكم النهارده في حفله الهالويين وزي ما مدام بمبادور في 


كل سنه تجمع حبايبها وشركائها في العمل والحياه عشان يقضوا 


يوم الهالويين وزي ما عودتنا علي حفله الهالويين ماعودانا برضه                          


                     علي مفاجأه حلوه في كل سنه                        
مدام بمبادورتأخذ الميكرفون:


حبايبي كل سنه وانتم طيبيين مش عارفه اقولكم قد ايه النهارده 


فرحانه بوجودكم وفرحانه طبعا بالهالويين هاهاهاهاها


اقدر أقول النهارده اني كملت مشاريعي مع شركائي ونجحنا سوا 


من وقت رجوعي لمصر بلدي اللي بحبها قوي (يصفقوا الضيوف)


(الضيوف بصوت عالي):المفاجأه يا مدام بمبادور عايزين نعرفها


(مدام بمبا):حاضر حاضر في الحقيقه من ساعت رجوعي لمصر  


 وبعد ما قررت آجي واستقر هنا وانا باشوف  بعربيتي  لماالسواق 


بيمشي بالعربيه واضطر أمشي في أحياء وشوارع  عشوائيه  


مليانه مناظر يعني كده ..حاجه كده ..مش قادره أوصفها غير ان انا 


اقول انها للاسف تلوث بصري لكل البشر اللي عايشيين فيها واللي 


بيمر بعربيته فيها ..سوري ياجماعه أنا مش قاصدي  


انكد عليكوا ولا حاجه..اللي عايزه أقولوا اني فكرت بجد أعمل 


حاجه للمناطق دي عايزه أخليها أحسن من شارع الشانزلزيه 


 أو صوفي جيرمان عايزه أخليها قطعه من أوروبا.


                           ( يصفق الضيوف) 


تتجه مدام بمبادور الي حي عشوائي ومعها فريق العمل وطقم      


السكرتاريه والبودي جارد والمهندسين في قمه النشاط والاستيعاب 


يتقلون الاوامر من مدام بمبه كل التوجهات والاوآمر.


بصوا بقي يامهندسين يا شطار أنا عايزه الصوره اللي في أيدي دي 


تبقي حقيقه هنا


(المهندسين):فين يا مدام

(مدام بمبه):عايزه الحي ده كله يبقي الشانزلزيه التؤام أيه حرام 


ولا مش حاتعرفوا خلاص أشوف مهندسين معماريين غيركوا


(المهندسين):تأمري سعادتك ..احنا مالنا مش هي اللي حاتدفع.


(اتنين قاعدين بيشربوا شيشه ع القهوه تتراوح اعمارهم بين 


الثلاثين والاربعين)


 شايف الموزه اللي حوليها الرجاله دولم 


لأ مش شايف


أصحي يا عمونا الست اللي هناك دي وحوليها نص كوبارات البلد


أيوه بس ماتزوأش كده ..تبقي مين دي.. تلاقيها حد من الناس  


اللي عايزيين يشتروا الناس عشان الانتخاب الله يخرب بيوتهم.


طب ماتقوم معايا نشوف بدل المعسل اللي حرق صدرنا ليل ونهار


الله يحرقك أنت والدخان في يوم واحد قدام مجلس الامه.ولا مجلس 


اللي مش عارف اسمه أيه.


يتجهون نحو فريق العمل :بقولك يا جنتل مان هو فيه أيه 


واحد من الفريق:(ينظر له بقرف من فوق لتحت)مدام بمبادور جيه 


هنا علشان تخللي المنطقه نضيفه وتخليك انت كمان نضيف..يا ..


معفن 


ينهارك أسود ماطلعتلوش شمس ولا ضله ولا قمر ولا ليل ولانجوم


(تتدخل مدام بمبادوربرقه):في ايه في أيه سيبوه محدش يجيي جنبه 


بص يا ...أسمك أيه


ليفه 
أيه
محسوبك ليفه


انت ظريف اوي ياليفه انا جيه هنا وححقق لكم كل اللي انتم 


عايزينه من غير مقابل انا مش داخله الانتخابات ولا حاجه 


وعيزاك تقول للناس كلها اللي هنا اني عمله اجتماع ليهم كلهم 


علشان عايزه اعرض عليهم التجديدات اللي حاعملها


 ليفه:(في القهوه):النهارده بصفتي انا المسئول الرسمي عنكم وعن  


هذا المنطقه دي كلها تامن.. بقول لازمن ولابد اجتمعنا كمعلمين 


المنتقه احنا وجماعتنا لاجتماع القمه اللي حتديره ستنا بمبه كشر 


واللي حاتشوف طلابيتنا وتلبي هلنا وقتي بالصلاه علي النبي.


                           (الاجتماع في الصوان)
  
مدام بمبادور:متعرفوش قد أيه انا مبسوطه النهارده بوجودي 


معاكم وزي معملنا دراسه علي المنطقه بأكملها وعرفنا ايه اللي 


ناقص ومش موجود حنقدر وبعون الله نكملها بامكانيتنا ونجعلها 


من احسن الاحياء 


(واحد من اهل المنطقه):بالنوسبه لمشكله العيش وطابور العيش 


سياتك والميه والمجاري والغله اللي احنا عايشينوا واللي مش عايشينوا


(تقاطعه مدام بمبه):حاضر من عنيه الاتنين كل اللي انتوا عايزينوا كله حاضر.. انا بفكر السيدات ان بكره الساعه تمانيه يحضروا الديفيليه الخاص بيهم واللي اشرفت علي تصاميمه بنفسي.


(واحده من الستات):ايه ياختي اللي بسم النبي حرسها قالته ده


(ترد عليها اخري):باين ياختي حايفرقوا فته .


(تاني يوم الساعه الثامنه تجتمع الستات حول الديفيليه علي امل اخذ الفته ثم يتفاجئوا بالعرض وميكرفون يقول :آن  الآوان يا ست يا مصريه ان تتحرري من عبأ العبايه السوده في الايام السوده وتلبسي التطور الطبيعي للعبايه السوده بتيير بجميع الالونات والمقاييس ب خمسيين جنيه بس)


(واحده من الستات):هيه العبايه السوده كانت مشكله للدرجادي

(واحده من الستات):يمكن ياختي واحنا مش واخدين بالنا يعني لو الواحده معاها خمسين جنيه مش تيجيب بيهم لحمه اولي للعيال.

(ليفه يجري وراء مدام بمبه) :يا ست الحجه احنا عايزيين طلبات وحاجات كتيير(تقاطعه)

(مدام بمبه):حاضر من عنيه الاتنين كل اللي انتوا عايزينه كله قول لاهل الحي اني حليت موضوع العيش ومش حاخللي واحد فيهم يقف في الطابور وحياخدوا العيش دليفري كمان وهما في بيوتهم

ليفه:ازاي
مدام بمبه:حايدفع كل واحد فيهم متين جنيه في الشهر مقابل فيزه حايخدها ويعطيها للفران كل شهر شامله العيش والتوصيل لحد البيت ..يالا روح قولهم

ليفه:ده انبقي ليفه لو روحت قولتلهم ..يانهار احوس ده ايه الحلول اللي لعبكت الدنيا دي ياحول الله يا رب.

(وبعد ما مشي شويه.. شاف حمام السباحه اللي عملته مدام بمبه  في وسط الحي واللي اصبح مرحاض للاطفال تاره وحوض للستات لغسيلالملابس المتسخه تاره اخري لقله المياه في بيوتهن)

وذهبت مدام بمبادور دون ان تحقق ربع ما وعدت به اهل الحي وتركت الحي كما هو مع الحسنه الوحيده (المرحاض الكبير) 
قصدي (حمام السباحه).


هناك 33 تعليقًا:

  1. ههههههههههههههههههههههه
    اسلوبك رهيب اوي يا كارولين
    موتتيني ضحك
    قصة جميلة اوي بالرغم من انها بتعكس مأساة العشوائيات
    تحياتي

    ردحذف
  2. مرحاض دي كلمه شيك
    ههههههه يعني بقي بكابورت يعني
    ههههههه
    زي العسل ياكارولين تحيتي

    ردحذف
  3. ههههههههه تحفة بجد دمك شربات ضحكت لما قولت يا بس
    قريتها كلها مرة واحدة دون توقف ولم اشعر بالملل ولو لحظة
    اما تعليقى على مدام بمبادور فدى بقى حالة من الناس اللى عايشة فى ابراج وقصور عالية ولا تشعر بالفير وكل همها ترفة عنهم وتلبسهم وتعملهم حمام سباحة طب الاولى ياكلو الاول ويشبعو وبعدين يرفهو عن نفسهم
    اهو الحمام بقى مرحاض وحوض لغسيل المواعين
    فكرتنى بالملكة مارى انطوانيت اللى لما قالولها الشعب مش لاقى يا كل عيش ردت وقالت ياكلو بسكوت ياكلو جاتوة ياكلو كل اللى يحبو
    تحياتى لاحلى كارولين فى الدنيا

    ردحذف
  4. كارولين كما تحسنين العزف آلة البيانو فانك تقتنين العزف بقلــــــــــمك على صفحات مدونتكفانك حقا موسيقية التعبير تلعب اصابعك ببراعة فى تدوين الكلمة وانك ككاتبهاتفقت فى الاتجاه الذى اشار اليه كاتبنا الكبير الراحل يحيى حقى ( من ذاق طعم الفقر يعيش فى فقر مستمر) ولهذا غادرت مدام بمبادوردون ان تحقق ربع ما وعدت به وتركت الحى وتركت معه المرحاض الكبير نهاية على قدر فكاهتها الا انها مسبوكة دراميا

    ردحذف
  5. ايه الديماغ دي ههههههههههههههه
    خليتي الواحد يضحك علي الصبح يا رب بس اليوم يكمل كده زي اوله ضحك
    و مدام بمبادور دي انتي جبتي الاسم ده منين تعرفي ان زمان كان فيه صابون اسمه مدام بومبادور كان عليه صورة واحدة تخينة كنت بضحك اوي من شكلها و انا صغيرة .
    اما الموضوع بقي فبجد هايلة فعلا صورتي النظرة السطحية للطبقة الغنية لمشاكل الغلابة
    تسلم ايدك

    ردحذف
  6. ههههههههههههههههه
    هههههههههههههههه
    تحفـــــــــــــــــــــــــــــــه
    بجد اسلوب رائع
    ولا اروع
    اهو على الاقل في شي نفعهم
    ههههههههههههههههههه
    ربنا يعني الجهال الي مهما علمتيه مايفهم
    تقبلي مروري
    سلامي لاجمل واروع كارو.

    ردحذف
  7. مصطفي سيف
    ميرسي علي أطرائك الراقي
    وده يا مصطفي الواقع فعلا
    تحياتي واحترامي لك

    ردحذف
  8. سواح
    ما انا مردتش اقول بكابورت
    علشان ماكملش علي اللي بيقرأ
    شكرا علي ذوقك يا خالد
    وتحياتي

    ردحذف
  9. هبه فاروق
    عندك حق يا هبه صعب علي الاغنياء
    الشعور بما يشعر به الفقير
    بس هي ماري انطوانيت كانت بتغني لما بتقول
    كلوا بسكوت كلو جاتوه كلو كل اللي تحبوه
    ممكن والله بس اكيد وهي نازله تملي القولل
    تحياتي يا هبه يا سكر

    ردحذف
  10. مدام بمبادور ..
    اختيار الاسم لهذه الشخصية موفق جداااا
    واعتبرها نموذج للحكومة اللى بتوعد وفى آخر الأمر
    بتعمل مراحيض للشعب ..

    ردحذف
  11. الاستاذ فاروق فهمي
    الكلام الجميل ده مايقولوش غير
    فنان مثلك محترف ويعرف ماذا يقوله
    اشكرك يا استاذي المحترم
    وتحياتي العطره

    ردحذف
  12. mona
    منونه الجميله هو كان فعلا في صابون زمان اسمه
    بومبادور مأخوذ عن اسم مدام دي بومبادور وكانت
    سيده جميله ومثقفه وكانت عشيقه لويس الخامس عشر
    ويارب يجعل يومك كله سعاده يا منمن
    وانت لخصت بكلمه واحده نظره الطبقه الغنيه
    تحياتي

    ردحذف
  13. خواطري مع الحياه
    شكرا يا قمر وجودك الراقي يضيف الي
    دائما عطرا
    وميرسي علي ذوقك يا قمرايه

    ردحذف
  14. بالذمة ده كلام ؟! الولية تعملهم طشت كبير و همه يفتكروه مراحيض عمومي !!! صحيح ناس سوفاج

    ردحذف
  15. هههههههههه عسل
    اكيد السبب ليفه هههه
    بوست جميل يا قمر
    فى انتظار المزيد

    ردحذف
  16. الاستاذ محمد الجرايحي
    ضحكتني والله العظيم
    كلامك سليم فهذا هو الواقع
    تحياتي

    ردحذف
  17. محمد محمود عماره
    والله انت اللي دمك زي السكر
    ناس صحيح سوفاج
    تحياتي

    ردحذف
  18. انثي استثنائيه
    شكرا علي اطرائك يا جميله
    وتحياتي واحترامي الدائم

    ردحذف
  19. اولا احييكى جد على السرد الرهيب .اقراءه وكانى اقراء لكبار الكتاب فانتى فعلا منهم
    ثانيا فكره رائعه وكتابه ممتعه امتعت جميع من قرءها مع انها لاسف الشديد الحقيقه المره التى نعيشها فى حياتنا فقط ذكرتينى بالدجاله التى كانت تروى ما سيحدث لرجل من الطبقه الفقيره له فى المستقبل قالت له انك ستعييش خمس سنوات فقير ففرح وقال اكيد بعد ذلك ساكون غنيا فقال لها وبعد ذلك قالت له ستتعود على الفقر. اما من ناحيه الاغنياء فمن منهم يعلم بحال الفقير كل انسان اختى العزيزه من الاغنياء لا يهمه الا نفسه ولو تصادف وساعد الفقراء فالمساعده بالتاكيد ستكون بمقابل يعود عليه بالنفع الكبير
    شعرت بالغربه فى مدونتى لانكى نسيتيها ولا املك الا ان اعزيها على فراقك تقبلى تحياتى الاحـــــــــــلام

    ردحذف
  20. شر البلية ما يضحك وما خفي كان اعظم
    جميل اوي اسلوبك بسم الله ما شاء الله
    حتي ولو كان الواقع مرير قدرتي تضفي عليه لمسة كوميديا وفانتازيا بخفة دم
    تحياتي لقلمك الرشيق

    ردحذف
  21. الاحلام
    انا مش عارفه اعمل ايه في ذوقك
    ده وحلوه قوي حكايه الدجاله دي
    ياريت تعملها بوست
    اشكرك علي ذوقك للمره الثانيه
    وتحياتي

    ردحذف
  22. سندباد
    صاحب ارق كلمه في البوست دائما
    فانت شخص محترم فقلمك يتحدث عنك
    اشكر الظروف لمعرفتنا بك
    تحياتي

    ردحذف
  23. كارولين كتاباتك دمها خفيف موووت و لها فكره كمان
    تحياتي يا قمر

    ردحذف
  24. زورنا مدونتك واطلعنا علي بعض افكارك الجميلة
    وسنتشرف اكثر بزيارتك لنا في مدونة
    واحة افكاري
    http://oasis-askar.blogspot.com/

    ردحذف
  25. موضوع مهم جدا كارولين
    في ناس تحت حد الفقر وماحدش حاسس بهم
    اسلوب جميل حبيبتي تسلم ايدك

    ردحذف
  26. السلام عليكم
    كاروليييييييييييييين
    كنت عايز الست بتاعتك دة تلف فى كام حتة كدا من اللى بيقولوا عيلهم عاوزين تنمية يمكن تسيب فى كل واحدة حمام سباحة اقصدى حوض غسيل اصل المناطق دى الترع اللى فيها اتردمت وحتى الصهريج شالوه والناس بيستنوا من الشتا للشتا عشان يشوفوا المياه اللى بيعبوها وبعدين يحفظوها عشان تكفيهم باقى السنة
    شكرا كارولين

    ردحذف
  27. ماشي بنور الله
    اهلا بك في مدونتي المتواضعه
    واتمني دوام التواصل
    تحياتي

    ردحذف
  28. كارمن
    عندك حق واتمني كل واحد منا
    يعمل اللي يقدر عليه
    لمساعدتهم
    تحياتي يا رقيقه

    ردحذف
  29. مدونه رحله الحياه
    والله عندك حق يعني مدام بومبادور
    برضه عملت حاجه
    وتعرف قد ايه الحكومه مقصره معاهم
    ورجال الاعمال كمان والفنانيين
    بأجورهم التي وصلت بالملايين
    حسبي الله ونعمه الوكيل
    تحياتي

    ردحذف
  30. شرين سامي
    متشكره يا سكر
    دائما تعطي لي روح التشجيع
    تحياتي

    ردحذف
  31. السلام عليكم
    مدام بومبه عملت زى ملكة فرنسا لما قالت والناس مش لاقيه تاكل عيش ليه .. ليه مش بياكلوا فامون سليت
    قال عايزاهم يدفعوا 200 جينه كل شهر عشان العيش .. ان شاء الله ما عن حد اكل عيش .. ناكل جاتوه وخلاص
    تحياتى

    ردحذف
  32. فشكووووووووووول
    هههههههههههه والله حضرتك
    تحمل خفه دم مش معقوله
    بس صح وجهه نظر سليمه
    تحياتي

    ردحذف