2011-01-12

فانتازيا xفانتازيا

بعد ما كون نفسه وعمل قرشين حط الدبله وحط الساعه...مممممم
قصدي حط الجواب في البوسته ومكتوب عليه نفسي ياعالم اتجوز.


انا جي ومستعجل عايز اتجوز يا جدعان ...والجواب طار في الهوا شاشي ونزل علي سقف الوالد والوالده وأول ما عرفوا زغرتوا محمد جي وعايز يتجوز كمان .... مبارك مبارك


الوالده قالت مفيش غير (سوالا) اللي حتنفعوا والوالد قال قصدك 


سلوي اللي كان في قمل في شعرها ...قالتله دوكها (ساهير) 


(سوالا) كانت بتحط صباعها في مناخيرها بس.


وجه محمد والزغاريت هلت وقعدت الحجه تحكي وتتحاكي عن 


(سوالا) قصدي سلوي وأخلاقها وجمالها وعيلتها .


محمد طلع حاجب ونزل الاخر وقال خلاص علي خيره الله يبقي 


فاضل بس اشوفها و اعاينها


وراحت العيله بمحمد لبيت سلوي وكانت متتعيبشي عندها المال 


والجمال وعندها أم تحب الكل يضرب لها تعظيم سلام أصلها 


مروضه الكل واولهم عم الحج جوزها وما تحبش كلمه لا ...


ده غير الفلسفه اللي بتقولها تقولش سقراط علي عبد الباسط حموده .
قال محمد في باله عال عال بس اطمن يا واد علي نفسك بقي شوفها 


توموتيكي توموتيكي ولا توموتيكي علي رومان بلي .


بتطبخ سلوي يا حماتي وكان ردها :أومال ايه 










وكمان بتمسح وتكنس وتغسل 











مرواحها للكوافير مفيش ده شعرها حرير في حرير








تعرف تربيلك عيالك في المستقبل 








وتخلفلك الواد والبت وتسميهم عاطف وحنان 













دي عمرها ماشافت الشارع ولا ليها صحاب ولا تعرف جيران










وتمت الجوازه زي مانتوا شايفين وعاشوا في المج ده




محمد كان بيشتغل في بلاد بره شاف ستات كتير علي كل لون 


وعاش حياته بشقاوه بس لما حب يجوز مفيش غيرها المصريه 


ذات الايشارب الوردي والفستان الفضفاض البمبي. اللي ما تخبيش 


حاجه علي مامتها لغايه ما تخرب بيتها .شعارها الزن ع الودان 


أمر من البتنجان.


سلوي كانت خام ماتعرفشي السياسه وتعب معاها محمد مره بعد 


مره وسنين بعد سنين وبعد ما خلص صبر محمد من جلسات صلح 


واستماع الي الست حماته والحكم والمواعظ والتي كان بيتمني في 


خياله جلب مطرقه تنهي الصداع وتنتهي حماته بالمره.


كانت دي آخر جلسه مع سلوي وعبد الباسط حموده لا لا قصدي 


حماته .فكان يغني بينه وبين نفسه أغنيه شعبيه مع كل جمله تقولها 


حماته عشان مايتعصبشي والظاهر حماته اخذتها الجلاله اكتر 


واكتر واكتر حتي اخذه خياله اكتر بانه يتخيل بأنه يلعب لها 


حواجبه ولسانه ويهز لها أردافه 


وانتهت الحماه من الكلام المباح بعد ثلاث ساعات متواصله دون 


فواصل ولا اعلانات وانتظرت من محمد بأنه يتكلم فنظر 


اليهاوقال: (بعد أن أخذ أنفاسه )أنا انا انا مش عارفني 


وأخذ يردد أغنيه عبد الباسط حموده حتي وصل به الحال الي 


مستشفي المجانين وراح ضحيه عبد الباسط 


حموده قصدي حماته.






هناك 41 تعليقًا:

  1. كارولين فـــــــــــــــــــــــــــــــــــاروق
    ياواد يامســــــــــــــــــــــــــــــــــيطر
    المشكلة فى زواج مستخبى يعنى مين يشهد للعروسة دبسوه فى مصيبة لحست مخه بأكاذيب وتزوير من عبد الباسط حمودة قصدى حماته قصدى حكومتنا الرشيدة

    ردحذف
  2. ههههه جميلة فعلا

    تحياتى

    ردحذف
  3. جميلة واسلوبك رائع فى السرد ضحكت كتير وانا بقرا البوست دمة خفيف وشربات ونهاية تفطس من الضحك
    تحياتى لاجمل كارولين

    ردحذف
  4. هههههههه النوع ده من الحموات فيه منه كتير عندنا
    انا شخصيا اتعاملت مع النوعية دي هههههه
    بس لحظها الوحش اني مش دبلوماسي
    ومبعرفش اسايس اموري
    ومبتهمنيش الخساير
    ومعرفش غيرواحد وواحد يساوي اتنين
    مش تلاته هههههه
    وبغني الوداع بسرعة ههههه
    قصتك حلوة تحياتي

    ردحذف
  5. استاذ الكل فاروق
    ههههه والله عندك حق
    هو كده فعلا فالحماه
    هنا زي حكومتنا يا سيدي
    سعيده بتعليقك اللي زي السكر
    وتحياتي ايضا

    ردحذف
  6. الكاتب المحب محب روفائيل
    سعيده بوجودك المعطر
    واشكرك من كل قلبي

    ردحذف
  7. الي اجمل هبه في الدنيا
    اشكرك يا قمر
    انا اجي فين من عبقريتك
    ودي شهاده كبيره منك
    اشكرك يا قمر

    ردحذف
  8. الاستاذة الزجالة الشعبية بنت البلد والاصول كارولين لم اصدق من اسمك الامريكى المنبت ان يخرج من قلمك هذا النبت الشعبى المشتاقين اليه من زمن زجالينا الاصيلين من امثال المرحوم بيرم التونسى واخونا نجم وانا ملاحظ فيكى الرغبة دائما فى الوصول الى كتابة كل ماهو جديد ومبدع مع البعد عن الكتابة التقليدية الرتيبه التى يغلب عليها الاهات والتنوهات وابوك السقا مات ، ياريت ياست كارولين ينهج منهجك سواك من السيدات الاديبات رغبة منا كرجال لمعرفة خبايا وخفايا اسرار المراة ودواخلها ولو بطابعك الكوميدى الحديث والمحبب الى قلوبنالافتقارنا اليه ودمتى

    ردحذف
  9. الي انقي الناس سواح
    هو عشان ربنا بيحبك
    انه نجاك من هذا سيدي
    واجمل حاجه في الدنيا
    الصراحه وهذه من طبعك
    اخي شكري لك دائما

    ردحذف
  10. الي استاذي الفاضل
    فاروق فهمي
    لقد اسعدني اطرائك البليغ
    والذي اتمني ان استحقه فعلا
    وتشجيعك لي دائما يمدني بالطاقه
    في كل مره وكلامك كله وساما
    يزيدني بالاعتزاز
    اشكرك استاذي ولك كل الاحترام

    ردحذف
  11. ههههههههههههه جميله أوي يا كارولين انت دمك خفيف بقى و أكتر حاجه عجبتني الجزء ده
    لما حب يجوز مفيش غيرها المصريه


    ذات الايشارب الوردي والفستان الفضفاض البمبي. اللي ما تخبيش


    حاجه علي مامتها لغايه ما تخرب بيتها .شعارها الزن ع الودان


    أمر من البتنجان.

    حقيقي أوي ههههه
    تحياتي ليكي و تسلم ايدك

    ردحذف
  12. الكاتبه والاديبه
    شيرين سامي
    اعجابك بالبوست شئ
    كبير واطرائك لي
    شئ اكبر
    الله يخليكي علي الكلام الحلو ده
    ومبسوطه من تعليقك الجميل ده
    تحياتي لك يا قمر

    ردحذف
  13. دايما اسلوبك مختلف عن باقي المدونات وباقي الكتابات وببقي عايش الحالة وانا بقرا بوستاتك
    تسلم بنات افكارك
    تقديري واحترامي

    ردحذف
  14. سندباد البحار و الغواص
    دائما ليجد ويكتب لنا
    احسن البوستات
    والمواضيع
    اشكرك علي ذوقك الرفيع وكلماتك الجميله
    وتحياتي

    ردحذف
  15. علي راي اسماعيل يس حماتي قنبلة ذرية
    اسلوبك جميل اوي وفي خفة دم محصلتش
    بصراحة الفكرة هايلة واسلوبك عمل حياة في القصة
    استمتعت هنا ومت من الضحك هنا
    تحياتي ليكي وتقديري

    ردحذف
  16. مصطفي سيف
    الله يكرمك ميرسي
    جدا علي الكلام الحلو ده
    وشوفت بقي اسماعيل يس كان
    عنده حق
    بشكرك مره اخري
    وتحياتي

    ردحذف
  17. السلام عليكم
    اول مرة ادخل مدونتك
    وكلامك جذبني وخلاني اقرئه بتمعن
    بصدق روووووووووووووووووووعة
    انبسط وانا اقراءه كلامك بيبعد الضيق عن القارئ
    بترسمي الضحكة فيه
    تقبلي مروري
    وانش اءالله مش اخر زيارة بتتكرر
    سلامي لاجمل كارولين.

    ردحذف
  18. خواطري مع الحياه
    الي اجمل خاطره تخطر
    ببال اي كاتب
    سعيده جدا بوجودك وتعليقك
    اسعدني اكثر وكان نفسي من وقت
    كبير اتعرف عليكي
    اشكرك يا سكر
    فوجودك نور المدونه

    ردحذف
  19. قصة فيها كثير من الواقع الشعبى وطرحت بأسلوب مشوق وممتع
    لايشعر معها القارئ بأى نوع من الملل والذى يجعله ينط من فوق السطور لابد من أن تلتهم كلها ومرة واحدة.....

    رائعة....
    تقبلى مرورى وتقديرى واحترامى
    بارك الله فيك وأعزك

    ردحذف
  20. جميلة اوي ^_^ تسلم ايدك كارولين

    ردحذف
  21. جميلة اوي ^_^ تسلم ايدك كارولين

    ردحذف
  22. محمد الجرايحي
    اشكرك علي ذوقك
    واطرائك الجميل
    فتعليقك دائما مهم
    في كل مدونه سيدي
    تحياتي واحترامي
    لشخصك المبجل

    ردحذف
  23. كارمن
    الرقيقه والجميله
    اشكرك وتحياتي لك

    ردحذف
  24. بصي قصتك جميله جامد وعجبتني جدا بس اللي شد انتباهي اكتر بصراحه لما الكل بيقول ان قصة البنت تحكي لامها كل حاجه غلط وكله عارف كده سواء رجاله او بنات طيب امال ليه الظاهره ده لسه موجوده وبتهد بيوت لما الاب عارف والبنت عارفه والام عارفه والاخ عارف طيب ليه ما تنصحوش نفسكم وتنصحوا اهلكم وبناتكم ولو واحد شاف بنته او مراته جت تحكي ليه حاجه من اللي بيحصل في بيت بنته المفروض يسيب القصه كلها ويجيب بنته ويقلها انت اللي غلطانه بدا حكيت لامك ومش كل حاجه ينفع تتحكي ويعرفها
    انا اسف لاني اتكلمت كتير بعيد عن قصتك بس بصراحه كان لازم اقول اللي في نفسي

    ردحذف
  25. semsem
    الاخ الفاضل اسامه
    العائلاتليست كلها علي شاكله واحده
    فالتعليم بيفرق والاحياء بتقرق ايضا
    لان لكل مكان له عرفه واصوله
    فهناك عائلات متحضره وهناك امهات من كثره تحضرهم
    بتأتي مع الزوج في كثير من الاحيان
    وانا امي من هذه النوعيه
    اما عن ثقافه التعامل ومنها كما ذكرت
    ان الاب او الام يرفضون الاستماع الي الابنه او الابن
    عن مشاكلهم في بيوتهم وتركهم يتصرفون دون مراجعه او تدخل فأنا معك في هذا و أأيد ذلك
    ونحن فعلا نفتقد الي برامج ثقافه التعامل كما هناك برامج عن الدين
    فنحن نفتقر يا سيدي الي حتي النطق بالاسف عندما نخطأ ونفتقر بالنطق لكلمه شكرا
    وانا اشكرك علي طرحك هذا
    وتحياتي

    ردحذف
  26. راحت البال تتمناها كل ام لابنتها بعد الزواج حتى الايام ندرت هذه الحماه جدا فقليلا ما تجدى حماه بهذا الاسلوب الفذ التى تفسد حياه ابنتها وهى تشعر بانها تحافظ عليها الاعلام والتليفزيون والقنوات الفضائيه جعلت الحموات اكثر نضجا عن زمان وان كانت موجوده فى هذه الايام فالله مع بناتها .
    كلماتك جميله وممتعه اشكرك على انكى امتعتينا بها واسف على تاخير الرد لانى لم اكن موجودا فى الفتره الماضيه تقبلى تحياتى الاحـــــــــــلام

    ردحذف
  27. الاحلام
    انا اعتقد ان نماذج الحماوات
    التي اتحدثت عنها موجوده بالفعل
    بالرغم من قلتها ولكنها موجود
    ولاننكر ذلك
    واشكرك علي استحسانك اللطيف
    وتحياتي

    ردحذف
  28. السلام عليكم
    يسلم فكرك كارولين
    انتى عملتى تجميعة كوكتيل بالسلطة يعنى رمضان مبروك ابوالعلمين حمودة على عبدالباسط واخواته ومعهم الست حماته
    بس تعرفى جميل جدا انك توصل معنى بكلمات بسيطة تشد اللى قدامك
    اجدتى كلماتك
    تقبلى مرورى

    ردحذف
  29. رحله حياه
    متشكره جدا يا محمد
    علي الكلام الجميل ده
    وتعليقك زي السكر
    اضحكتني جدا
    وتحياتي العطره لك دائما

    ردحذف
  30. nice post caroline waiting for more good luck

    ردحذف
  31. تايه
    that is very kind of u tayeh
    and i am very happy
    for your writing to me
    and i hope our connection will continue
    thank u

    ردحذف
  32. اختي كارولين ،،
    والله القصة هذه قديمة جديدة ،، قديمة في معناها ،، جديدة في طريقة تناولها وطرحها ،، كم منا هو بطلها وكم منا هو عبد الباسط ..
    سعدت بالتواجد والتعليق .. دمتي اختي بكل ود ومحبة وإخاء ..

    ردحذف
  33. جميل جدا أسلوبك وسردك للقصه
    بس بشوف الاتنين جانى ومجنى عليه
    هو لما حب يختار اختار بالشكل الغلط
    وهى انظلمت واتعاملت فى حياتها بحكم المعتاد عليه فى الجوازات الصالونيه ..
    والاتنين كان قدامهم يرفضوا الطريقه دى
    اتمنالك مزيد من التوفيق

    ردحذف
  34. الكنة تبقى كنة والحماة لوتشع اصابعها شمع تبقى حماة
    خوذ العروسة في شكارة تطلع كيف القطوسة المزيان
    لايعجبك نوار الدفلى في القوائل عامل ظلائل ولا زين طفلة الا ما تشوف الافعائل

    ردحذف
  35. وجع البنفسج
    عجبني تعليقك بشده
    فأنت ناقده هايله
    وانا اللي سعدت اكتر بتواجدك
    تحياتي واحترامي لك

    ردحذف
  36. انثي استثنائيه
    اولا اختيارك لاسم انثي استثنائيه
    اختيار في منتهي الجمال
    اما عن تعليقك الراقي فلا يقل جمالا
    عن ماسبق طرحه
    فجوازات الصالونات يا عزيزتي
    كثيرا ما ينتج عنه الانفصال او عدم التفاهم
    وتحياتي لك

    ردحذف
  37. amiralcafe
    اولا لكنه التونسه زي السكر
    بس وحياه تونس عندك لتوضح
    اكتر بللغه المصريه علشان
    افهم اكتر
    لحد ما اخذ كورس في اللغه التونسيه
    تحياتي العطره لتونس الخضراء

    ردحذف
  38. السلام عليكم ورحمة الله



    سلوي اللي كان في قمل في شعرها ...قالتله دوكها (ساهير)


    (سوالا) كانت بتحط صباعها في مناخيرها بس.

    هههههههههههههههههههه
    هههههههههههههههههههه

    انت رائعة بتجيبى الحاجات دى منين وخفة الدم دى
    انت زى السكر حقيقى
    الله يسعدك حبيبتى والله كنت محتاجة حبة الضحك دى بارك الله فيك

    لك ارق باقة ياسمين تعطر حياتك ياغالية

    ردحذف
  39. ام هريره
    اللطيفه الخفيفه الجميله
    الظريفه المريبه الخطيره
    يا ست الكل انت السكر
    يا سكر
    اشكرك من قلبي حبيبه حبيبه قلبي
    وتحياتي العطره

    ردحذف
  40. محمد غلطان من ساسه لراسه ، فيه حد برضه يجوز واحدة بتحط صابعها في مناخيرها؟ و بعدين انتي نهيتي القصة و مقلتيش مصير المج إيه؟!

    ردحذف
  41. محمد محمود عماره
    تعليقك في اهلكني من الضحك
    واذا كان علي المج فللاسف
    اتكسر علي يد حماته
    اشكرك وتحياتي لشخصك المبجل

    ردحذف