2011-02-11

وداعا سياده الرئيس

                            بسم الله الرحمن الرحيم                             
                                            
                ( من أزواجكم وأولادكم عدو لكم فأحذروهم)






من اهم الاسباب الرئيسيه لانهيار مبارك هو ابنه جمال نظرا لتوليه 


شئون البلاد منذ عام 2004 ..  ولا ننكر قيام مبارك بأنجازات 


متعدده محفوره في تاريخ مصر لكننا نلومك علي اهمالك الجسيم و 


تركك مقاليد الامور في يد ابنك جمال لكننا في النهايه نقول لك 


وداعا يا سياده الرئيس تاركين الحكم  للتاريخ ليحكم بمن له ومن 


عليه...........................................................................

هناك 33 تعليقًا:

  1. مبرررررروك لكل المصريين
    الف الف مبروك علينا كلنا ويارب بكرة اجمل واحسن من النهاردة
    ونحط كلنا مصر بعنينا وقلبنا

    ردحذف
  2. تقبلى منى ورده حمراء معبقه بأريج الفرح لشخصك الكريم
    دمتى بحب

    ردحذف
  3. السلام عليكم.....
    الاسباب كتيررررررر اوى يا كارولين دا فعلا احد الاسباب
    المهم فى الوقت الحالى اننا خلصنا من النظام دا ككل ويارب تكمل فرحتنا ع خير امين يارب


    وتواصل الشمس اشراقتها بالحرية ع ارض بلدنا
    دومتى بخير
    فى رعاية الله
    shemo

    ردحذف
  4. يا مسيطر


    كفاية تشائم وشيلى اول تكيست فى الجنب بقى خلاص مش بقى ان شاء الله فى سوء

    ردحذف
  5. والله يا كارولين نفسي اصدق ان حسني مبارك كان راجل كويس وان جمال هو اللي خرب البلد
    بس صدقيني كلام مش مقنع ابدا
    علي الاقل ماقنعنيش
    جمال ظهر في 2004
    حسني اخطاؤه من اول ما تولى الحكم
    على الاقل قانون الطوارىء من تلاتين سنة يعني جمال كان لسه طالب وقتها
    مش عايز اعددلك اخطاؤه وزي مانتي قلتي نسيب التاريخ يحكم
    وانا واثق في التاريخ انه مش هيزور الصناديق قصدي مش هيزور الاحداث
    الف مبروك لمصر
    وتحياتي

    ردحذف
  6. اعتقد انك ياكارولين تودعين الضباب وتستقبلين الضياء اعتقد انك تودعين الهوان وتستقبلين الامان ، اعتقد انك تودعين الظمأ وتستقبلين الرواء ، اعتقد انك تودعين العدم وتستقبلين الهمم ، اعتقد. انك تودعين الخسوف وتستقبلين الشروق ......... اما عن ابنه واصله وفصله فاعتقد ايضا انك ترددين معى ان (كل اناء بالذى فيه ينضــــــح ) والف مبروك لك ولنا جميعا

    ردحذف
  7. تعرفي يا كارولين انت جبت نقطه مهمه آخر عشر سنين الفساد استفحل جداً و للأسف جمال فتن باباه و كان من أهم أسباب كره الناس ليه و عموماً أنا ضد تماماً أي حد يشتم أو يشمت فيه لأنه مازل رمز لمصر و لأننا لو معندناش وفاء يبقى على الدنيا السلام...عن نفسي أردت التغيير و التطور للأفضل في نظام ديمقراطي حقيقي و عادل مش بوليسي فاسد غير اني ضد ان شخص واحد يفضل رئيس 30 سنه ضروري يبقى فيه تغيير عشان نتقدم و كل واحد يبذل أحسن ما عنده.
    ربنا يسامحه و يجعل نهايته طيبه و يولي علينا خيارنا
    تحياتي ليكي

    ردحذف
  8. ام هريره
    الحمد لله واللي فيه مصلحه البلد اكيد
    يسعدنا جميعا ومبروك علينا كلنا

    ردحذف
  9. انثي استثنائيه
    ميرسي حبيبه قلبي يكفي فرحه الشارع
    والدنيا كلها

    ردحذف
  10. shemo joker
    ان شاء الله الله اللي جي حيبقي
    احسن واكيد رينا حيكمل فرحتنا
    واوعدك اني حاشيل التيكست

    ردحذف
  11. مصطفي سيف
    انت فهمت غلط انا مش بدافع
    عن مبارك ولكني اتكلم عنه بأحترام
    وانا ذكرت اهماله ولسه
    الايام اللي جايه حتوضح اشياء
    غائبه عن الشعب
    والحمد لله

    ردحذف
  12. farouk fahmy
    الحمد لله ومبروك علينا جميعا
    وانت يا سيدي عبرت بعبارات
    بديعه عما يستقله الشعب
    في هذا الوقت
    تحياتي لشخصك المبجل

    ردحذف
  13. شيرين سامي
    عندك حق احنا شعب متحضر
    وومن اخلاقنا عدم الشماته
    او خروج الشتائم من افواهنا
    ربنا يسامحه والحمد لله ومبروك يا شيري

    ردحذف
  14. مبروك لمصر ومبروك لكل المصريين
    وعهد جديد علينا كلنا
    مبررررررررررررررروك

    ردحذف
  15. كما شكرت لي البسمة


    أشكر لك وجودك

    ردحذف
  16. السلام عليكم
    شكرا كارولين
    فليس من عادة الكرماء ان يسيئوا الى من اساء اليهم فما بالك وهذا رئيسنا وله ما له وعليه ما عليه وسيحكم التاريخ على ذلك وستعلمنا الايام
    عذرا سيادة الرئيس فقد كان هذا قدرنا وهذا قدرك
    معا نبنى مصر من جديد

    ردحذف
  17. اكيد مش كل حاجة عملها وحشة بس الناس اما بتجيب اخرها مابتفتكرش الا الوحش
    يارب يبدأ عهد جديد احسن علي مصر
    تحياتي لك كارولين

    ردحذف
  18. هبه فاروق
    مبروك يا هبه مبروك لمصر
    بلدنا الجميله
    واكيد عهد جديد علينا كلنا
    تحياتي

    ردحذف
  19. احمد الصعيدي
    ذو الدم الخفيف
    مبروك لمصر مبرك علينا كلنا

    ردحذف
  20. مدونه رحله الحياه
    الحمد لله علي كل شئ فالصالح دائما
    يسعد الجميع يا محمد واكيد اخلاقنا تحكم
    علينا بعدم الاساءه بألفاظ تؤذي من كانوا
    يرأسونا في يوم من الايام
    نقول له فقط الله يسامحك
    وان شاء الله اللي جي يبقي احلي
    ومازلت اقول سيحكم التاريخ

    ردحذف
  21. كارمن
    ممكن يكون ظلمنى و ظلمك ... كل حقى و حقك . . . و خوف اهلى و خوف اهلك . . . ممكن نكون مش بنحبه . . . بس اكيد مش بنكرهه . . ده برده عدى بمصر اول 30 سنة من غير حرب
    تحياتي لاحلي رقيقه

    ردحذف
  22. كارولين فــــــــــــــــــــــــــــــــــــاروق
    مبروك إبنتى الغالية إفرحى من قلبك فإن الفرحة قد تخلت عنا سنين عجاف لم ندرى متى تنتهى
    والحمد الله رجعت الفرحة لنا وأعتقد أنها فرحة من القلب لنا ولغيرنا من الأحباء العرب بل والعالم كله فحق علينا أن نفرح

    ردحذف
  23. عزيزتى كارولين
    القصه ليست الرئيس فحسب لقد كانت هناك رابطه لا تترك رغيف العيش لمن ورائها صدقينى قدر سعادتى بالحريه والكرامه قدر حزنى على ما جرى للرئيس لاكن فى الوقت نفسه نقول انه السبب المباشر والرئيسى فى كل ما حدث
    تقبلى تحياتى على امل ان نتقابل فى حريه دائما الاحــــــــــــــــــــلام

    ردحذف
  24. كارولين
    الف مبروك ليك ولشعب مصر
    فعلا كلامك من ذهب
    ماقام به كان خطئا جسيما اودى بمستقبل البلاد
    بس ربنا كبير وحيعوضكم خير
    ربنا يتمم فرحتكم على الف خير يارب
    تحياتي

    ردحذف
  25. التقييم و النقد ليس شماته فهو شخصية عامة و مسئولة فيجب نقد الحقبة الزمنية بكل سلبياتها و ايجابياتها فهو كذب على الشعب المصرى كثيرا حتى و هو يلفظ انفاسه الاخيرة قال انه لم يكن ينتوى ترشيح نفسه مرة اخرى مع ان الدستور السىء الذى عدله ليصبح الحكم ملاكى له او لابنه ملحوظة كلمة انتوى خطا و الصحيح انوى
    ممارسة الحكم بالعنف و الدكتاتورية والاحاطة بالمنتفعيين و الوصوليين صفوت الشريف و فتحى سرور و احمد عز و كمال الشاذلى و حبيب العادلى و غيرهم
    ابعاد الشرفاء و المعارضين كمال الجنزورى و احمد جويلى و عمرو موسى و ابو غزالة و احمد رشدى و غيرهم كل ذلك قد يغفر له حتى الفساد و النهب لكن قتل الشباب و اسالة الدماء هو ما لايغفر ابدا و لعل ما عجل به هو دعاء امهاتهم الثكلى
    اخطاءه كثيرة ليس مجالها الان المهم اننا نتنفس الان هواء نقى كما ان المستقبل افضل لاولادنا
    خالص تحياتى و تحيا مصر
    ابراهيم رزق

    ردحذف
  26. استاذي فاروق ابن النيل
    باعتذر عن تأخيري في التعليق النهارده
    لقد ذهبنا نحن الاسره الي شوارع مصر لكي نري
    الوجوه المبتسمه والفرحانه بنصر الثوره
    ونشاركها هذه الفرحه
    ومعتزه جدا بكلمه ابنتي فأنت اب لي ايضا
    ومبروك يا ابو النيل كله

    ردحذف
  27. الاحلام
    مقدره مشاعرك ومبروووووك
    علينا جميعا وان شاء الله
    اللي جي يا احلام تتحقق الاحلام
    وتحياتي يا ارقي الناس

    ردحذف
  28. ابراهيم رزق
    اولا حمد لله علي سلامتك مرفوع الرأس
    وعودتك من ميدان التحرير محررا بلادك
    فهذا شرف لك ولنا ايضا لانك بيننا
    ثانيا اي كلام دلوقتي لازم يكون عن الفرحه والنصر
    والتهاني بغض النظر عن كلامك السليم بأكمله
    ثالثا تعالي هنا اين مدونتك يا استاذ بيتهيألي
    آن الاوان انك تنشأها وتقول لنا ماعندك من فكر ورأي
    مبروك يا ابراهيم

    ردحذف
  29. سواااااااااااح
    انت فين حمد لله علي سلامتك
    مبروك يا خالد
    متغبش علينا تاني
    احنا افتقدناك الفتره اللي فاتت
    وتحياتي يا اطيب الناس

    ردحذف
  30. شهرذاد
    الله يبارك فيكي
    فانت اكملت فرحتنا بعودتك بيننا
    فكم الدفء المتبادل بيننا كأخوه
    ثروه وقيمه غلبت اي شئ آخر
    مبروك يا شهرذاد

    ردحذف
  31. الف مليون مبروك وعقبال يارب

    مايتعظو اصحاب الظلم والبطون الي قاعدين على الكراسي

    حتى انتهى العمر الافتراضي لخشب الكراسي وهما قاعدين

    على قلوب الشعوب وظلمهم ونازلين ظلم وذل لشعوبهم

    فرحة شجاعة من شعب طيب اثبت انه الافضل عربيا

    والاكثر حرية واثبت انه الشعب الاكثير حباً بين الأشقاء

    لم تكن فقط ثورة مصر بل ثورة شعوب لها قلوب معهم

    وان الاوان لبناء مصر العظيمة بيد ابنائها وبناتها

    ماحصل في مصر هي امنية غالية يتمناها كل شعب مظلوم

    ويعرفها الكثير من اهل مصر الغالية

    كلنا ننتظر سيدتي ان يتحرك الدور حتى تكمل فرحتنا

    مع فرحتكم وصدقيني مصر مازالت اليوم تعطي دروساً

    مجانية للعالم بأن حرية الشعب هي الأساس ولا تتأثر بالفزاعات الاعلامية

    ولا من يهددها

    تظل مصر عالية وغالية

    دمتم بكل ود

    ردحذف
  32. د.ريان
    مهو برده العيب علي الشعب كان لازم
    يشد الكراسي او يشألتو النظام او يحرموا بيع الخشب من اصله ...انا بضحك علي فكره
    نتكلم جد بقي اشكرك من كل قلبي علي مشاركتك في هذه الفرحه واتمني ان تحددوا مصيركم اذا كان هناك ظلم اما عن الاعلام المضللفأخذ حقه في العقاب
    ويارب الخير للجميع
    تحياتي

    ردحذف