2012-01-11

خارج نطاق الخدمه



اخذت ورقتي وقلمي دون علم مني واخذت الشاي الذي احضرته دون سكر حتي القيته في 


ساعتها في الحوض. 


وسمعت جرس تليفون المنزل فتكبرت عليه وتجاهلته.


وسمعت صريخ ابنتي المتواصل ولم تصيبني العصبيه .


ثم دق باب المنزل ففتحته ونظرت الي البوابه وهي تتحدث واغلقت الباب بهدوء اثناء 


حديثها واكملت حديثها برده فشعرت اني لم اغلقه فذهبت لضغطه وقفل الاقفال.لكن اكملت 


حديثها..مفيش فايده.


ثم وقع القلم فلما وقع اخذته ثم القيته علي الارض مره اخري ..ما هو مش بمزاجك.


شئ بعيد... غريب ...مريب ونظرت الي مرآتي فلم اجد جديد...


والبرد القارص يزيد من شتائي ...وخريفي ضائع من ربيعي.


فلما ارتجف غطائي خاصمته لعل الامر يتحسن.


دق الباب وفتحته وتفاجئت بفاتوره الكهرباء المتراكمه التي تعدت الالف جنيهات . ففرحت


وقُلت يا زمان انت الوحيد والصديق  فلا تخاصمني حتي اذهب باب اللوق لاشتري 


رسيفر جديد وأهنأ بالبلالين فتضحك لي الدنيا وتغرد عصفورتي .


وقتها سأصل الي منتهاي ...وآدي دقني لو فهمت حاجه.

هناك 43 تعليقًا:

  1. اللى فاهم يفهمنى:)

    ردحذف
  2. فعلا خارج نطاق الخدمة

    ردحذف
  3. هههههههههههههههههههه
    طب ايه رايك بقى انى فهمت ..حلو تضارب المشاعر ولغه التمرد على الاشياء كم اهوى هذا التمرد ..حلوه تضارب المشاعر والكركبه واللغبطه والتوهان الداخلى المتقوقع فى الذات المتوحده ناحيه الشعور الوجدانى العصيب
    عجبنى موضوع القلم الرصاص أووووى وانتى بتتحديه وتوقعيه من تانى وتقوليله ماهو مش بمزاجك يا حلو تقع لازم انا اللى اوقعك ..هو بالساهل كده تأخد قرار عصيب زى ده وتقع لوحدك بدون اذن .وتجاهلك لجرس الباب قمه فى الفلسفه الوجوديه
    كفايه كده هزار ونتكلم جد بقى
    مش حاقولك غير انى استمتعت وضحكت وسعدت بالبوست ده جدااا
    والله بوست عميق ويحمل فلسفه لا يدركها الا من يتعمق فى قراته اكثر من مره
    تحياتى لحبيبه قلبى وروحى كيرى الفنانه والفيلسوفه

    ردحذف
  4. بصراحة البوست خلاني خارج نطاق الخدمة مش عارف اضحك ولا اسبهل
    فعلا الواحد لما بيبقى خارج نطاق الخدمة ومالوش مزاج كل الاسلاك بتدخل في بعض الريسيفر يخبط في البلالين والقلم اللي بيقع وتجبيه
    ساعات بنعمل حاجات من غير ما نفكر فيها او نعرف ليه بنعملها
    بوست جميل بيرسم بسمة صافية

    ردحذف
  5. انا اكتر حاجة وجعتني في البوست

    موضوع فاتورة الكهرباء

    لييييييه بس بتقلبي علينا المواجع

    هههههههههههههه

    ردحذف
  6. الأخت الفاضلة دكتورة كارولين
    القصة مش صعبة لدرجة الدقن و الشنب و الحاجات دي ، بالعكس القصة واضحة و صريحة و هي تنتمي للمدرسة الانطباعية الواقعية التجريدية الكلاسيكية الطليعية النازلية الإعدادية بنات.
    و القصة ترسم شخوص سيريالية بتنجانية متبعة اسلوب الروائية فيرجينيا وولف ( فرجينيا الديب يعني ، من عيلة الديب عين أعيان أمريكا) و هو أسلوب تيار اللاوعي الذي أصاب بطلة القصة فوقعت من طولها و أغمن عليها لما قرت فاتورة الكهربا ، و ده سر انها مكنتش عاوزة تفتح لمرات البواب ، أما مرات البواب فدي شخصية رمزية بتمثل الطبقة اللبلالبية التي تريد الوصول إلى حكم مصر من خلال القعدة على باب العمارة و معاها ترباس ، كده يفتح و كده يقفل ( يرجى مراجعة الرسم التوضيحي عند الزميل الفاضل توفيق الدقن الشاعر الغنائي الكبير )
    الورقةوالقلم في القصة واضحين و يمكن الرجوع إلى السيدة الفاضلة ريهام عبد الحكيم في رائعتها "فيلم عسل اسود و مهبب " بالورقة و القلم التي تركت بصمة و علامة على قفا كل مواطن.
    لكن لا أخفيك القصة بها نقطة ضعف شديدة و هي القلم اللي اترمى بشدة دهحيث لم توضح كاتبة القصة القلم ده فرنساوي و لا بيك ؟؟؟

    ردحذف
  7. كلارينيت الفاروق

    ده اللى بيسموه الداى اوف
    لما بتكون ماشية بتمشى لوحدهاو لما بتقف بتقف

    عادى ان القلم يقع و عادى ان الواحد ينسى يحط سكر و الفاتورة عادى جدا كلنا
    لكن اللى مش عادى اننا نكون مش عادى فى اليوم ده
    يارب تشترى الرسيفر و مزاجك يبقى عنب

    تحياتى

    ردحذف
  8. مش غريب ياكارولين اللى بتقوليه
    هذه هى طبيعة الفنان
    عدم استقرار ه فى اللحظة التى يعيش فيها حتى يشعر انه مش هوه وهوه واحد تانى خالص
    وهذا يذكرنى بما قالته ورده يوما عن بليغ انه فى اليوم الذى اتفقا فيه على كتب الكتاب وجدته يتكلم اليها من الاسكندرية وهو مع صحبة اصدقائه
    الحمد لله اللى جت على القلم وعلى البوابة وعلى فاتورة الكهرباء
    هكذا هو الفنان لاهوه فوق ولا هوه تحت لاهو نايم ولا صاحى
    التفكير الدائم يجعلك تعيشى فى اللآشئ وبالتالى تكونى خارج نطاق الخدمة
    تأكدى انا استمتعت جدا بهذا البوست لاننى احب ان اعيش فى اللامعقول
    ابوكى الذى غالبا مايكون خارج نطاق الخدمة الفاروق

    ردحذف
  9. السلام عليكم
    كل دا من مقابلة تلفزيونية واحدة امال لما تبقى موجودة باستمرار ان شاء الله هتعملى فينا ايه
    ههههههههههههههههههه
    ترجمى بقى البوست تانى
    دومتى بخير

    ردحذف
  10. الكلام مقصود به العكس يعني الهدوء معناها الفوران والغليان والفرح الزعل ...فهمتها وانت بتكلمي البوابة ولما جات فاتورة النور...اي خدعة

    ردحذف
  11. كوكي الجميلة..

    اقولك على حاجة ...هي فعلاً فاتورة الكهربا ممكن تعمل اكتر من كده ..وخاصة لو جت يوم 29 في الشهر ..والا القلم الرصاص ...هو كان رصاص والا جاف ..القلم تمرد على الكتابة وانتي اتمردتي على القلم..بس بجد بوست حلو قوي واكيد كنتي شاربة كوباية نسكافيه جامدة قبل ماتكتبيه ..تحياتي

    ردحذف
  12. خارج نطاق الخدمة

    مش عارفة حبيبتى كارولين انا حسه فعلا اننا كلنا الايام دى خارج نطاق الخدمة
    ولو زى مابيقول استاذنا الكبير فاروق انها دى سمة الفنانين يبقى انا فنانة اوووووووووووى ههههههههه

    احيانا ممكن نسمى حالتك ملل وزهق ونمط حياة ممل حاولى تغيرى جو وان شاء الله كله بيجى تمام :)

    واحيانا لما بنخسر حلم مهم فى حياتنا بردو بيحصل لنا حالة خروج من نطاق الخدمة :) بيكون سببه غضب واعتراض بس مش بنحب نظهره الا فى صورة (( تبلد كاذب ))

    اعملى حسابى فى البلالين :)

    تحياتى لاجمل فنانة حبيبة قلبى كارول :)

    ردحذف
  13. هو الكل متفق انها حالة غريبه واختلفنا فى اسبابها او ايه الطابع الغالب فيها مع انى شايفه ان فيها بعض الحزن ربنا يبعده عنك
    حاسة انه تمرد فعلا على حالة عدم استقرار فكرى ربما ..
    لكن اكيد هتعدى وترجعى تانى بسرعه
    الحالات دى رغم حيرتنا فيها الا ان تدوينها يطلع كلام جميل فعلا وكفاية انها تكون سبب ابداع

    حتى لو مش فاهمين ولا انتى حتى فاهمه المهم انك كتبتى ومتأكده انك مجرد ما كتبتى ارتاحتى

    تحياتى

    ردحذف
  14. بصراحة أنا عجبني جداً تصرفك مع القلم أحييكي عليه ، بقية البوست مستني له ترجمة D:

    ردحذف
  15. norahaty
    اهلا بك في مدونتك بصراحه
    انا اللي عايزه يفهمني
    شرف لي مجيئك
    تحياتي

    ردحذف
  16. ههههههههه
    طب انت لعبكتيها اكثر يا هبه كده
    مش معقول يعني
    اللا معقول كده يزعل مننا مش معقول
    مش معقول مش معقول
    حافضل اقول مش معقول طول الليل كده
    هي حاله غريبه مريبه فعلا
    شكرا حبيبتي تحليلك عجبني

    ردحذف
  17. مصطفي سيف
    هههههههههههه
    هو كله ضرب في كله فعلا
    الاسلاك ضربت ف البلالين عملت قفله
    عندنا او عندي يمكن
    ميرسي يا مصطفي
    تحياتي يا درش

    ردحذف
  18. سواااااح
    ههههههههه
    هو بوست يقلب المواجع فعلا
    معلش يا خالد
    احنا بنواسي بعض
    تحياتي

    ردحذف
  19. محمد محمود عماره
    هههههههههههههههههههههههههههه
    حرام عليك يا اخي مش معقول
    يعني اكون لغبط الدنيا قوي كده
    ده يوم الفصل العالمي الظاهر باين
    عليه ولا اقول لك يوم اللا معقول
    يعني لو مسكنا كل نقطه وقلنا توفيق
    الدقن الشاعر الغنائي لازم نذكر انه سياسي قديم مثلا وريهام عبد الحكيم كانت لاعبه كره قدم مثلا يعني البحث عايز دقه وتفحيص
    اما عن القلم ..الله يرحمه
    مش عايزين نجيب في سيرته خلاص

    ردحذف
  20. ابراهيم رزق
    هههههههههههه
    حرام عليكوا انا ضحكت من التعليقات
    قد كده ..كتير يعني
    حلو قوي مزاجك يبقي عنب دي ههههههه
    بس عارف ايه يا استاذ ابراهيم الداي اوف في عيب انه بيحددك يعني نقدر نقول عليه عشوائي اكثر منه مستهلك بس كويس
    وان شاء الله لما حاشتري الريسيفر حاعلن وبقوه
    تحياتي

    ردحذف
  21. هههههههه
    طيب ايه رايك يادكتورة انا حسيت البوست ده قوى
    علشان انا لسه كاتب اخوه دلوقت حالاً هههههه
    وبعدين عادى يعنى لما نسجل مشاعرنا الحظية الدنيا ماخربتش يعنى ههههه
    تحياتى المستعطرة

    ردحذف
  22. صباح الفل كارولين

    حسيت بحالة عناد للدنيا ...بدل ما هي تعاندك انتي تغيظيها وتعانديها...كأنك بتقولي لها على مين يا ماما؟؟؟
    يا ريت اكون فهمت صح ...ولو ما فهمتش مش مهم...المهم صباح الفل :)

    ردحذف
  23. faroukfahmy58
    والله يا بابا حضرتك تحليلك سليم
    مائه في المائه
    انا فعلا متقلبه المزاج بس مش لدرجه
    بليغ حمدي لانه كان فنان اكثر مني بكثير طبعا
    انا كمان يا بابا والله ساعات احب اعيش
    في اللا معقول
    تحياتي يا احلي بابا

    ردحذف
  24. مدونه رحله الحياه
    هههههههههههههههه
    الظاهر ان المقابله ليه عامل قوي
    لهذه الحاله طبعا بفكر الا اكرر ده تاني
    بس بدون وعد مني
    انا حاحاول اترجمه قريبا ههههه
    تحياتي

    ردحذف
  25. tarkieb
    والله اللي انت شايفه حايكون صح اكيد
    حضرتك يعني يهمني التحليل اكيد هههههه
    اي خدعه
    تحياتي

    ردحذف
  26. zizi
    هههههههه
    والله القلم كان جاف وجفائه كان السبب
    اما النسكافيه ماكنش نسكافيه كان شاي
    ساده بدون سكر فكان ايضا جاف
    اييييه دنيا هههههه
    تحياتي العطره

    ردحذف
  27. ام هريره
    لي لي الجميله
    كلامك سليم مائه في المائه
    الملل او عدم النجاح بيخلقوا
    حالات متشابه لهذه الحاله
    ومش حانساكي في البلالين متقلقيش
    تحياتي يا اجمل لي لي

    ردحذف
  28. امه الرحمن
    اهلا بك في مدونتك وقلقانه انك
    تكوني اخذت فكره ان كتابتي بهذه
    الطريقه دائمه ولكنها حاله عارضه
    بعض الشئ ممكن تستمر او تتوقف هههه
    سعدت بكلماتك الرقيقه
    واتمني زيارتك الدائمه
    تحياتي العطره

    ردحذف
  29. pasha
    الله يخليك انا اللي متشكره
    كان موقف ايجابي فعلا.
    حترجمه حاضر البوست
    تحياتي

    ردحذف
  30. عباس ابن فرناس
    ههههههههههه
    انا لازم اقرأ البوست الخاص بحضرتك فورا
    وليس هناك مانع كتابه اي شئ يخطر ببالنا
    اما عن لقب دكتوره احب ان اصحح شئ
    انا عملت دراسات ولم اكملها اما عن لقب دكتوره في البرنامج انا تفاجئت به
    علي الهواء وكان المفروض مني تصحيحه ولكن رهبه الكاميرا علي الهواء ولاول مره
    جعلتني مشلوله التصرف
    فأنا درست في الكونسير فتوار واحب كلمه فنانه افضل من اي دكتوراه
    تحياتي

    ردحذف
  31. نيسان
    نيسان الجميله عامله ايه في انتخابات
    المدونات
    انت صح يا نيسان علي طول الخط
    صباحك فل وياسمين وورود
    تحياتي

    ردحذف
  32. ما هو الى كل حوليكى هما الى غلطانين
    ليه الشاى يجى من غير سكر وليه جرس التليفون يضرب اصلا وايه الى يخلى البوابه تيجى فى وقت زى ده وليه القلم يوقع يعنى هى نقصاه وطبعا مرءاتك عاوزه تتغير على شان تجيب جديد غصب عنها وكل ده برد يا كارولين وكمان الخريف ضايع من ربيعكوليه غطائك يرتجف
    من الاخر يا كارولين انتى ليكى الجنه علشان مستحمله ده كله
    تحياتى ابوداود

    ردحذف
  33. ههههههههههههههههههههه

    انا فهمت

    لخبط لخابيط

    ردحذف
  34. هلومى يا زمورده ... فلقد آن وقت الرحيل ... !

    ما بك يا ابن حلسه ... اترى ما ارى ...!

    يدعون عنتر والرماح كأنها اشطان بئر فى لبان الادهم ...!

    شفت الفار السندس ... اللى اكل البندق من فوق سطح الفندق ...!

    اجت القطه النو ...اكلت فار السندس ... اللى اكل البندق من فوق سطح الفندق ...!

    اجا الكلب الهوو ... اكل القطه النو ... اكلت فار السندس ... اللى اكل البندق من فوق سطح الفندق ...!

    جت العصايا الديد ضربت كلب الهوو ... اكل القطه النو ... اكلت فار السندس ... اللى اكل البندق من فوق سطح الفندق ...!


    اجت النار الاح حرقت العصايا الديد ضربت كلب الهوو ... اكل القطه النو ... اكلت فار السندس ... اللى اكل البندق من فوق سطح الفندق ...!

    اجت المايه التش... طفت نارالاح... حرقت العصايا الديد... ضربت كلب الهوو ... اكل القطه النو ... اكلت فار السندس ... اللى اكل البندق من فوق سطح الفندق ...!

    اجت البقره العيييى شربت مايه التش... طفت نارالاح... حرقت العصايا الديد... ضربت كلب الهوو ... اكل القطه النو ... اكلت فار السندس ... اللى اكل البندق من فوق سطح الفندق ...!

    اجا الجزار الهييييى دبح البقره العيييى ....شربت مايه التش... طفت نارالاح... حرقت العصايا الديد... ضربت كلب الهوو ... اكل القطه النو ... اكلت فار السندس ... اللى اكل البندق من فوق سطح الفندق ...!

    ردحذف
  35. هو انا تهت شوية وقريت تانى
    بس هى حالة بتحصل لينا كلنا
    المهم مش تفضلى خارج نطاق الخدمة كتير
    عجبتنى مدونتك جدا
    تحياتى :)

    ردحذف
  36. الاحلام
    ههههههههه
    هو فعلا الغلط مش مني يا ابو داووووووود
    شوف انا مستحمله قد ايه هههههه
    تعليق اضحكني بجد اشكرا عليه
    تحياتي

    ردحذف
  37. reemaas
    ههههههه
    صح يا ريسماس عرفتي ازاي
    تحياتي يا سكره

    ردحذف
  38. eng elsayed
    ههههههه
    انت عال جدا جدا خليك كده دايما
    انت هايل ...برافو سيد
    اغنيه هايله بصراحه وماشيه مع الحدث
    تحياتي يا ملك الهسهس

    ردحذف
  39. aya mohamed
    اهلا بك حبيبتي في مدونتك
    واوعدك حاخرج من حاله خارج نطاق الخدمه
    علي طول مش حاطول ..ههههه
    تحياتي العطره لك

    ردحذف
  40. انا فهمت بعض حاجات زي القلم والشاي والسكر والفاتوره بتاعت الكهربا والبوابه بس ما عرفتش اجمعهم مع بعض ههههههههههه
    تحياتي

    ردحذف
  41. eng_semsem
    ههههههه
    مش لازم تجميعهم المهم فهمهم
    شرفت مدونتك يا اسامه
    تحياتي

    ردحذف
  42. مش دى اول مرة بس انا فهمت

    هى فاتورة الكهربا دى اكيد اثرت عليكى :))

    عموماانك تحسي عايزة الكون كله يكون في الوقت دة صامت علشان تعملى اللى عايزة فكرة مش مسحيله بس صعبه ههههههههههههههههههههه

    يلا عايزة كوبايه شاي بقي ترحيبآ بيا بس بسكر ههههههههههههه

    ردحذف