اصدقائي واحبابي وحشتوني جدا جدا ...بمناسبه المواقف الطريفه اللي بقابلها في الشارع، وانا بفتح باب العربيه علشان اركب ،تقوم تيجي عربيه معديه ،فاقفل باب العربيه بسرعه تاني، واهز رأسي علشان تعدي وماتخبطش الباب ،الآلاجه في الموضوع انها تقف عند باب دخولي العربيه بالظبط ،فالمفروض لأما انا افتح باب العربيه بتاعتي وتخبط فيها لأما احرق دمي وادي درس في الاصول للي وقف ،بصراحه ماخبيش عليكوا كان شكل الرجل زي ماتقول كده معلم كرشه يدّي عليَ (علي الشريف)ايام مجده ،ماخبيش عليكوا خفت ،اصل انا جبانه بصراحه ،فقررت افتح باب العربيه واخبط عربيته،المصيبه في الموضوع انه اضايق شوفتوش كده ،كنت عايزه ااقوله انتي اضايقتي يا قطه ،يا بطه ،يا كتوموتوا يا حلوه يا بطه،بس قولت ،اجري يا بت احسن يديكي بوكس في منخيرك يخليكي ماشيه زي الالف ، بلد مجانين صحيح علي رأي ابراهيم رزق
لينك الحلقه الخامسه اسفل البتنجان، قصدي في الخط الاسفل
هنا
كلارينت الفاروق
ردحذفههههههههههههههههه
فعلا بلد مجانين صحيح
هتفرج على الحلقة و اجى اعلق تانى
تحياتى
كالعادة حلقة جميلة و ممتعة
ردحذفتعرفى يا كارولين انا غيرت جدا
فى الاذاعة المصرية كنوز موسيقية لفرقة الاذاعة لكبار المؤلفين امثال الدكتور مدحت عاصم و الدكتور يوسف شوقى و عبد الوهاب و احمد فؤاد حسن و على اسماعيل و غيرهم كثيرين
للاسف اغلبها فى طى النسيان و معرضة للتلف رغم جمالها
يا ريت الناس فى مصر تاخد بالها و تستعين بها فى افلام الكارتون او حتى الافلام العادية
تحياتى
افلام الكارتون بقدر ما يستمتع بها الصغار فهي ترضي الكبار بما تحتويه من موسيقي حالمه..راقصه ..ناعمه..رشيقه ..بهيجه..ظريفه
ردحذفترقي موسيقاها الي مستوي رفيع رسومها ..واذكرك يا كارولين في عهد مضي كنا نحرص علي حضور العرض الصباحي لسينما ريفولي ايام الجمعه في جمع الاطفال لمشاهده الجديد من افلام الكارتون جتي لا نكاد ننسي حضورنا للفيلم الاجنبي الذي سيتم عرضه
هل مقصد حضورنا كان لافلام الكارتون او للافلام الاجنبيه المعروضه ..هل كنا نخاطب ود طفولتنا التي مضت او حصرتنا علي عمرنا الذي ولّي ..ابوكي الفاروق
صباح الفن والجمال حبيبة قلبى
ردحذفشاهدت الحلقة امس لانى لقيت الرابط على الفيسبوك
حلقة جميلة وحبيتها كتير لانى من هواه افلام الكارتون طبعا :) حتى الى الان بموت فيها جدا
موسيقى افلام الكارتون دايما تلفت الانتباه لانها بتحل محل الكلام فى الفيلم وانفعالات الحركة للاشخاص فيه
وعليها عامل كبير فى نجاخ الفيلم زى ما قلتى انت
فى الحلقة دى واضح جدا انك عملتى جهد كبير
اهتميتى بتفاصيل كتير وبحثك واضح وحبك لعملك ليس له حدود يمكن ده اجمل شىء دايما الاقيه فى حلقاتك الممتعة
وشكرا لك على المعلومات الرائعة المتجددة
اما موضوع البوست وبلد مجانين
تقريبا كل شىء اصبح ( بوهيمى ) فى الزمن ده ههههه وماعدنا نستغرب من حاجات كتير غريبة بتحصل
ربى يسلمك من كل سوء اختى الحبيبة
تحياتى بحجم السماء
تحية طيبة أختي كارولين
ردحذفكما سبق قلت في تعليقي أمس على الحلقة، أن الذين أدمجوا هذه الأعمال الموسيقية ببراعة مع أفلام الكارتون (أو الرسوم المتحركة) كانت لهم ربما رؤية بيداغوجية من وراء العمل، إذ أن تربية الذوق الرفيع والأذن الموسيقية لدى المشئ أمر يحتاج طريقة ايجابية تحبب هذا الجيل أعمالا موسيقية كبيرة وضخمة وعالمية، ولهذا مزجها بأفلام الكرتون هو ذكاء في نظري، وحسب معرفتي أن كل ما نسمعه في صغرنا يرتد إلينا الحنين إليه بعد كبرنا، ولي قصة مع ما كنت أسمع وأنا طفل صغير عبر الراديو أو المسجلات، رغم أني لم أكن أهتم بها (فس مرحلة قبل النضج) إلا أنها اليوم تعيد لي ذكرى وتحببني في أعمال موسيقية رائعة. وخير دليل كذلك أغنية ليالي الحلمية للمبدع محمد الحلو، والتي كتب كلماتها الشاعر المصري الجميل والموهوب سيد حجاب، فهذي الأغنية ظلت راسخة في الذاكرة العربية من المشرق إلى المغرب، والسبب المسلسل العبقري الذي نجح في فترة التسعينيات من القرن الماضي.
على كل حال كانت الحلقة ممتعة ومميزة كما العادة، وأنا شخصيا أنتظر منك الكثير والمزيد.
بخصوص الموقف، فمن الهم ما قتل :)
مع تحياتي
الحلقة جميلة وتحفة يا كوكى المجهود واضح .والشغل مميز ورائع ..وانا اكثر واحده عارفة انت بتتعبى قد اية
ردحذفبالفعل الموسيقى تجذبنا لمشاهده فيلم الكارتون دون ان نلتفت اليها رغم انها السبب الاساسى فى شهرتها ونجاحها
مخرجيين الكارتون اذكياء يستعينون بموسيقى لمؤلفيين كبار فينجح العمل ويترك بصمة .
..ربنا ما يحرمنا من ابداعك يا فنانة .وبالتوفيق دائما .ومعلش اتاخرت فى الرد ما انت عارفة الظروف وضيق الوقت
تحياتى وحبى
نسيت اعلق على ابو كرشة هههههههههههههههه انا مش عارفة الناس اتهبلت ولا المشاكل والظروف طيرت عقولهم
ردحذفربنا يرحمنا
وساعات كمان تبقي جوه العربيه وحد يجي يقفل عليكي الطريق يعني مستنيه حد وواقفه صح ويجي مخالف عايز يحبس
ردحذفولما تلفتي نظره يقولك دقيقه بس هجيب حاجه
ساعات اقوله طيب بدل المكان علشان انا طالعه بسرع
السلام عليكم
ردحذفلما قريت كلامك هنا افتكرت مقوله هنيدي " الفيلم دا أنا شوفته قبل كدا ، الأفيس لسه على وسي" ^_^ ، و بالنسبة للحلقة أنا سمعتها جميلة بجد ما شاء الله ، و فعلا الموسيقى فى أفلام الكارتون من روعتها تغني عن الكلام و أنا أعشقها.
سعدت جدا بمروري من هنا ، تقبلي تحياتي :)
موضوع العربيات والسوائقه ده مهزلة بمعني الكلمة.. ربنا يكون في عون الكل.. والحلقة هشوفها اكيد:)
ردحذفلا اعلم إن فاتني شيء من حلقاتك الجميلة وسأعود لأتأكد أني لم أفوت على نفسي شيئاً منها ..
ردحذفأما الجنون فقد أصبح الحالة العامة للبلد والناس في البلد ..
أما الحلقة فلم تفتح عندي سأعيد المحاولات ..
كل التحية والمودة ..
دمت طيبة وبألف خير ..
ههههههههه انتى عسل والله
ردحذفعجبتنى جدا