2011-03-17

علي باب بيتنا

                                  
                  علي باب بيتنا زغاريد أفراح
                   وايشي تعاليق أشكال والوان
                  جلاليب فساتين وكمان قمصان
                    وسلام ولقا وقعاد وقوام


                  علي باب بيتنا زغاريد أفراح
                  
                   ولمض بتنور في الطرقات
                   وضياها يلالي في الشرفات
                   ووشوش مليها الابتسامات


                 علي باب بيتنا زغاريد أفراح


                  مزمار وطبول مزيكا جنان
                    بتزود فيا   الم وجراح
                 ولا حاسس حد من الاصحاب


                 علي باب بيتنا زغاريد افراح


                  والوحده حصار مليان بأسوار
                   والقلب في دنيا من الاحزان
                   والفرح حالف مايخبط باب


                 علي باب بيتنا زغاريد أفراح


                 والقلب حزين علي طول سواح
                    في شوارع تايه  بالأشجان
                   مش لاقي الراحه ولا الخلان


                  علي باب بيتنا زغاريد أفراح
            
                  والناس تقابلني بسؤال حيران
                  عن دمعه خانتني بلا استحياء
                   اضحك واجاوب بأستخفاف
                 عن قصر نظرهم وامشي قوام
                   لسؤال تاني محتاج لجواب


                 علي باب بيتنا زغاريد أفراح


 بقلم :كارولين فاروق  






                  
                    
                    

هناك 42 تعليقًا:

  1. السلام عليكم ورحمة الله


    علي باب بيتنا زغاريد افراح


    يارب ياكارولين يارب بلدنا وقلوبنا وبيوتنا تتملى افراح وسعادة
    يارب الخير يعم على الجميع بشكل خاص وعام

    كلماتك جميلة زى قلبك حبيبتى
    اسال الله تعالى ان يسعد فؤادك دايما ويبعد الهم والاحزان عنك

    سعدت كثيرا بحوفك الندية وشعورك الرقيق

    ويااارب اكون تعليقى الاول:)

    تحياتى وتقديرى لك

    ردحذف
  2. السلام عليكم
    جميل اسلوبك اختى الحبيبة
    لكن لما التشاؤم
    اتمنى لك التوفيف و السعادة
    تحياتى

    ردحذف
  3. جميلة جدا ياكارولين
    انا كل شوية اكتشف فيكي مواهب
    بجد جميلة
    تحيتي

    ردحذف
  4. فكرتينى كارولين باغنيه لنجاة كنت دائما اسمعها واحبها جدا هيه ساكن قصادى
    فى بعض كلماتها بتقول
    وفى يوم صحيت على صون فرح بصيت من الشباك زينه واغانى وناس كتير دايرين هنا وهناك شاورولى بايدهم وقالولى عقبالك هللت من الفرحه وسالت قالوا حبيبك الى ساكن قصادك
    كان كل املها انها تتزوجه ولكن القدر جعلها تقوم من النوم تجده بيتزوج
    كلماتك دائما جميله يا كارولين ودائما انتى متالقه
    امتعتينا اختى العزيزه تقبلى تحياتى الاحــــــلام

    ردحذف
  5. ياعينى ياعينى على الاشعار
    انتى فرحتينا بالافراح والزينة وفالاخر زعلتينا على دمعة الحزن وقلبك الحيران
    بس حلو اووووى اسلوبك وشعرك
    بس مع انى مش عاجبنى نبرة الحزن اللى فالاخر دى بس فعلا احيانا الواحد بيحس بوحدة والم اكتر لما الناس بتزيد فرح من حواليه
    بس عندى اقتارح لعنوان للقصيدة
    سميها جات الحزينة تفرح ملقتلهاش مطرح
    وكمان القصيدة فيضان
    شايفة الفيضان الحقى الحقى احنا بنغرق فيضان من المشاعر مع انها يها حزن
    لكن ربنا يفرحك ويسعدك يارب ويرزقك بقلب ابن حلال ميحزنش كدة
    وتزورى بيت الله الحرام وياريت متنسيناش لما تحجى يبقى ادعيلنا معاكى وكمان هاتيلنا جلبية وسبحتين
    برافو والى الامام الى الامام
    دقت ساعة الشعر

    ردحذف
  6. طرح جميل واسلوب رشيق كعادتك دائما قليل اوي اللي ييقدر يكتب بالعامية ويوصل الفكرة بالطريقة دي
    سلمت بنات افكارك
    تقديري واحترامي

    ردحذف
  7. غاليتي كارولين
    فعلا انت تبدعين التعبير عما بالقلب بصورة سهلة وشعبية وقريبة من قلوب الناس
    تسلمي
    تحياتي

    ردحذف
  8. مساء الخير

    ان شاء الله يدخل بيتك الفرح

    ويقيم فيه اقامة دائمة

    دمت بخير

    ردحذف
  9. ام هريره
    بارك الله فيكي يا ام هريره
    وتبقي الفرحه في كل بيت
    بس عارفه يا ام هريره مش شرط
    اني بكتب حاجه حزينه ابقي حزينه
    ولو اني حزينه ومش شرط وانا بكتب
    حاجه بتضحك ابقي حزينه ومش شرط برده
    فهمتي حاجه طب لو فاهمه فهمين علشان مش فاهمه هههه
    وانت فعلا التعليق الاول يا قمرايه
    تحياتي حبيبه قلبي

    ردحذف
  10. esraa
    وعليكم السلام ورحمه الله وبركاته
    ربنا ما يجيب تشاؤم
    هو بس تغيير يا أسراء
    ميرسي حبيبه قلبي

    ردحذف
  11. سواااااح
    ربنا يخليك يا خالد
    بس حانيجي فين جنبك
    تحياتي اخي الطيب

    ردحذف
  12. الاحلام
    حتصدقني لو قولت لك ماسمعتش
    الاغنيه دي قبل كده
    بس كلماتها جميله جدا طبعا
    واشكرك اخي الكريم علي تشجيعك لي

    ردحذف
  13. فيلسوف زمانه
    لحقت تغير صورتك ..بس عارف الصوره اللي كانت قبل كده كانت لايق عليها فيلسوف
    زمانه فعلا
    بس ميرسي علي ذوقك
    وحلو برده العنوان اللي اقترحته
    وشكرا علي دعواتك لي
    وعاجبتني جدا دقت ساعه الشعر دي هههههه

    ردحذف
  14. سندباد
    والله ده كتير علي جدا
    واشكرك يا سندباد علي
    تشجيعك ده
    دومت بخير دائما

    ردحذف
  15. شهرزاد
    ربنا يخليكي
    يا شاعره البلوجر يا
    مبدعه
    ميرسي حبيبه قلبي

    ردحذف
  16. yosef
    اشكرك استاذي
    ويدخل بيتك الفرح دائما
    وميرسي علي دعواتك دي

    ردحذف
  17. جميلة جدا قصيدتك دي.. أنا بحب الأشعار العامية جدا..

    الأفراح دائماً تبهج جميع من حولها.. لكن دايماً في ناس مجروحة.. و كل انسان ليه يوم فرح و يوم حزن..

    و ربنا يسعدنا جميعاً :)


    تحياتي

    محمد
    :)

    ردحذف
  18. علي باب بيتنا زغاريد افراح
    نعم سوف يدخل الفرح الى تونس ومصر والبقية.
    بإذ الرب سوف تحذو مصر../وتونس ../حذو تركيا التي نقلها أردوغان خلال 8 سنوات من دولة منهارة اقتصاديًّا إلى الدولة رقم 16 على مستوى العالم،
    رؤوف

    ردحذف
  19. خاطرة جميلة
    عندما تكون وحيد وحزين وكل من حولك يغني ويرقص
    انه حقا شعور مؤلم
    وصفتيه بطريقة رائعة
    تحياتي لكي

    ردحذف
  20. كلمات بسيطة ورقيقة ياحبيبتي ويارب دايما الفرح ساكن قلوبنا

    ردحذف
  21. ماشاء الله عليكى بجد كارولين

    دائما متميزة ومبدعة فى كلماتك

    يارب ايامك كلها تكون فرح وسرور

    ويرزقك الجنة ونعيمها ويكرمك يارب

    وان شاء الله ايام الحزن نبعد عن مصر وعننا كلنا وعن كل بيت

    ـــــ

    ميرسى لكلماتك الرقيقة فى مدونتى

    ربنا يسعدك يارب

    تقبلى مرورى

    ردحذف
  22. الأستاذةالفاضلة كارولين
    يارب يملي حياتكم بالأفراح و يبعد عنكم الأحزان.
    بس سؤال عالماشي بمناسبة الدوشة اللي جت في القصيدة : هو انتم بيتكم في شارع عبد العزيز ؟

    ردحذف
  23. مساء الجمال كارولين

    وعلى باب مدونتنا زغاريد كارولين

    امممممم

    بجد رائعة حلوة بإحساسك

    وبتدخل القلب لأنها رقيقة وشفافة

    دمتِ بجمال وروعة

    تحياتي

    ردحذف
  24. mtma89
    ربنا يسعدك يا محمد
    وميرسي علي ذوقك
    دومت بخير

    ردحذف
  25. ameralcafe
    يارب يارب الفرحه لمصر ولتونس
    ويبقوا كمان احسن من تركيا
    اشكرك
    تقبل تقديري واحترامي

    ردحذف
  26. مصطفي سيف
    اكيد بتقابلنا مواقف
    يكون الفرح قريب ولكن بعيد في نفس الوقت
    ميرسي علي ذوقك
    وتحياتي

    ردحذف
  27. جميله جدا

    ردحذف
  28. carmen
    حبيبه قلبي كارمن
    يا رب يخليكي ميرسي جدا
    تحياتي يا ورده المدونين

    ردحذف
  29. ورده الجنه
    ميرسي يا رقيقه
    علي الدعوات الحلوه دي
    وربنا يسعد ايامك
    فكيف تكوني ورده الجنه
    ولا تسعدينا بكلماتك وتعليقاتك
    اشكرك

    ردحذف
  30. محمد محمود عماره
    هههه ربنا يسعد ايامك
    لا يخلي تعليقك من الضحك ابدا
    دومت بخير دئما

    ردحذف
  31. همس الحنين
    ميرسي يا يا قمر علي دعواتك
    وربنا يجعل مصر دائما في فرح
    دائما
    تقبلي تقديري واحترامي

    ردحذف
  32. غير معرف
    ميرسي جدا
    وسعيده بمرورك

    ردحذف
  33. مساء الفرحة كارولين

    ويارب من فرحة الى فرحة ويعطيكم

    على قد نيتكم وقلبكم الطيب شعر

    روعة وحرف جميل منكم

    سعدت بزيارتي لكم هذا المساء

    دمتم بكل جمال سيدتي

    ردحذف
  34. موهبة متعددة الجوانب تعلن عن نفسها دائماً بقوة ....

    ردحذف
  35. السلام عليكم...
    ان شاء الله الفرحة على بيوت كل المصريين والعرب وغيرهم...

    ردحذف
  36. د.ريان
    اشكرك كثيرا علي كلامك الجميل ده
    ويارب الفرحه تدخل كل بيت
    تحياتي

    ردحذف
  37. محمد الجرايحي
    اشكرك علي تشجيعك لي
    تقبل تقديري واحترامي

    ردحذف
  38. open book
    يا رب يا رب
    الفرحه في كل بيت
    تقبل تقديري واحترامي

    ردحذف
  39. كلمات جميلة يا كارولين

    احيانا يكون هناك خيط رفيع يفصل بين الحزن و الفرح قد يكون الفرح محاط ببعض الغيوم

    خالص تحياتى

    ردحذف
  40. ابراهيم رزق
    انت حللت الحاله بروعه ابراهيم
    فأنت محلل هايل وناقد جميل ايضا
    تحياتي اخي

    ردحذف
  41. السلام عليكم
    ممكن اشارك معاكم
    ازيك كارولين شو اخبارك
    كل دا على باب بيتكم تلاقيك اخدتلك شريطين كيتوفان
    اتمنى ان ينتقل الفرح الى داخل كل قلب ويرتسم على كل وجه اتمنى الفرح لكل انسان
    جميلة قوى كلماتك بالاسلوب دا واهو كله تنوع ومنكم نستفيد

    ردحذف
  42. مدونه رحله الحياه
    الو بيروت ..كنا نطرينك يا زلمه
    تؤبرني هالكلمات الحلوه
    ويدخل الفرح قلبك و ع الضايعه يا خي
    اما هالكلمات اللي بكتبها
    اهو كله تنوع وكله اي كلام
    تسلملي يا خي

    ردحذف