قرب قرب حود هنا تلاقي عندنا عجايب وغرائب وملاعب ومصائب ،تقوله شمال يروحلك يمين ،تطلعله عالي تلاقي واطي والرايح رابح والداخل رايح ،مطبات صناعيه صناعه أهليه تمرجح تشخلع عمودك الفقري،والفقري فقري يتنطط علي ارض بحور أصل البلاعه غطاها مفقود ،والمفقود في الشارع مخنوق من زحمه أتوبيس ملحوم،ملحوم بناس مفرومه في حزمه بصل مخزونه،ولا الزحمه تعطل اجدعها ميعاد فيها يوصل بعد الميعاد بميعاد،وتفاجأ بإيد ممدوده من ناس حشريه ومتلومه،وبفوطه صفرا تلطخ ازازك وتدي الفكه لتدعي علي عيالك،وده يمشي عكس عكاس وده واقف يركب ناس وده واقف يبيع سجاير علي كوبري سريع رهوان ،قرب قرب هنا بلاعه مفتوحه لصيد انسان فيها يستحمي ويغرق كمان،قرب قرب هنا زباله مرصوصه ألوان في ألوان فيها يعشش ناموس ودبان ،والربط عندنا مفكوك تجري قطورنا بلا رابط مربوط وتضيع ارواح بريئه صغيوره والراجل المسئول عن التحويله حول عيونه ونامت جفونه وده كله عشان تكتر المصايب وتزيد العجايب.
السلام عليكم
ردحذفعندك حق ياكارولين فعلا بلد عجايب
والاعجب من كل شىء ان اى مصيبة نتفنن ازاى نرميها على غيرنا ومفيش اى احساس بالمسؤلية
لو اتكلمنا نقول ايه ولا ايه بس تعبنا كلالالالالالالالالالالام نفسى اشوف فعل بقى
الله المستعان ويارب يصلح حال البلد داخليا وخارجيا وقبل اى شىء نتصلح احنا من جوانا
تحياتى لك غاليتى بحجم السماء
الوجع مالانا يا كارولين وكل ما نقول بكرة احلى تتطلع حجات تخلي الامل يختفى
ردحذفمؤثرة كلماتك
ما أشبه المصائب بعضها ببعض..!!
ردحذفاعتقدت أن الموت يتجول طليقا فقط في شوارعنا
لكن يبدو أن له مكان إقامة لدى مدنكم
رحم الله الراحلين ووهب أهلهم الصبر والسلوان
هي اشبه بمستشفي مجانين بس علي كبير شوية
ردحذفسيرك كبير
مولد بقت مولد
ردحذفكل حاجه وعكسها
بقينا في زمن السكلنس
مش عارفه اقولك ايه.. ربنا يصبرنا علي العيشه ديه
ردحذفاتفرج يا سلام على راسها تنور على بطنها تنور مولد وصاحبه غايب او يمكن نايم
ردحذفوالله انتً رصدتى الشارع المصرى بحرفيه
تصدقى ان الراجل المسئول عن التحويله كان نايم بس ياترى المسئولين عن تحويله بلدنا واداره شئونها كانوا نايمين برضوا ولا ايه
والله ياكارولين المصريين شعب مسكين
ردحذفمن عباقره العالم بس مالوش حظ غير الهم ووالغلب اللى قلتيه
يعنى لما يحب يتفزلك يتفزلك على نفسه وبس هههههه شر البليه ما يضحك والله
احسنتى غاليتى العرض والسرد
مودتى وحبى
ممكن نشيل كلمة مصر حاليا و نحط بدالها دولة الفوضى و الاهمال
ردحذفاحنا محتاجين اعادة تهيئة و يا سلام يو ينفع نعملنا ضبط المصنع علشان الفيروسات دي كلها تتشال و بعدين ننزل البرامج الجديدة على نضافة
كلارينت الفاروق
ردحذفهى منظومة تبدء من غفير المزلقان
و تنتهى برئيس الجمهورية
والنتيجة اهى
فوق خمسين طفل ضحية
ربنا يرحمهم
اما نحن
فربنا يتولانا
تحياتى
مساء الورد كارولين
ردحذفكلمات مؤلمة توازي حجم الألم المرافق للحادث الأليم
ولسان الحال يقول إلى متى والوطن ينزف ابنائه بسبب
وبدون سبب ولا نملك إلا الصبر ونخشى حتى الصبر يمل منا .
تعازي لكم على الأرواح الطاهرة التي حلقت في سماء مصر .
تحياتي وإحترامي
صباح الغاردينيا كارولين
ردحذفبلد عجايب ولكن تبقى ام الدنيا الحبيبة
ربنا يحفظها ويحسن الحال
وربنا يصبر كل ام على مصابها "
؛؛
؛
لروحك عبق الغاردينيا
كانت هنا
Reemaaa